Halkara awtomobil federasiýasy (FIA) we “Formula-1-iň” ýolbaşçylygy 2026-njy ýyl möwsüminiň dünýä çempionatynyň senenamasyny hödürledi. Geçenki üç ýylda bolşy ýaly jemi 24 ýaryş meýilleşdirilýär.
Möwsüm 6-8-nji martda Awstraliýadaky tapgyrdan başlar we 4-6-njy dekabrda Abu-Dabide tamamlanar.
Senenama ilkinji gezek Madridiň hem ýaryş ýoly goşuldy, bu ýerde Ispaniýanyň Gran-prisiniň tapgyrlarynyň biri geçiriler. Şol bir wagtyň özünde, Emiliýa-Romanýanyň Gran-prisi meýilnamadan aýryldy.
2026-njy ýylyň çempionatyna täze üç topar gatnaşar – Cadillac, Audi we Ford. Şeýle-de, bolidler tarapyndan ekologiki taýdan arassa ýangyjyň ulanylmagyny göz öňünde tutýan täze tehniki düzgünler güýje girer.
Tapgyrlaryň doly tertibi şeýle görnüşde:
- Awstraliýanyň Gran-prisi – 6-8-nji mart;
- Hytaýyň Gran-prisi – 13-15-nji mart;
- Ýaponiýanyň Gran-prisi – 27-29-njy mart;
- Bahreýniň Gran-prisi – 10-12-nji aprel;
- Saud Arabystanynyň Gran-prisi – 17-19-njy aprel;
- Maýaminiň Gran-Prisi – 1-3-nji maý;
- Kanadanyň Gran-prisi – 22-24-nji maý;
- Monakonyň Gran-prisi – 5-7-nji iýun;
- Ispaniýanyň Gran-prisi (Barselona) – 12-14-nji iýun;
- Awstriýanyň Gran-prisi – 26-28-nji iýun;
- Beýik Britaniýanyň Gran-prisi – 3-5-nji iýul;
- Belgiýanyň Gran-prisi – 17-19-njy iýul;
- Wengriýanyň Gran-prisi – 24-26-njy iýul;
- Niderlandlaryň Gran-prisi – 21-23-nji awgust;
- Italiýanyň Gran-prisi – 4-6-njy sentýabr;
- Ispaniýanyň Gran-prisi (Madrid) – 11-13-nji sentýabr;
- Azerbaýjanyň Gran-prisi – 25-27-nji sentýabr;
- Singapuryň Gran-prisi – 9-11-nji oktýabr;
- ABŞ-nyň Gran-prisi (Ostin) – 23-25-nji oktýabr;
- Meksikanyň Gran-prisi – 30-njy oktýabr – 1-nji noýabr;
- Braziliýanyň Gran-prisi – 6-8-nji noýabr;
- ABŞ-nyň Gran-prisi (Las-Wegas) – 19-21-nji noýabr;
- Kataryň Gran-prisi – 27-29-njy noýabr;
- Abu-Dabiniň Gran-prisi – 4-6-njy dekabr.
