“Barselonanyň” we Ispaniýanyň milli ýygyndysynyň hüjümçisi Lamin Ýamal Transfermarkt portaly tarapyndan düzülen dünýäniň iň gymmat futbolçylarynyň reýtinginde birinji orny eýeledi.
Täzelenen reýtingde 17 ýaşly oýunçynyň bahasy 180 mln ýewrodan 200 mln ýewro çenli artdy.
“Ýamal öz 17 ýaşynda futbol taryhyny ýazmagy dowam etdirýär: Ýewrodaky ýeňişden soň ol ýene bir güýçli möwsümi geçirip, La Liganyň çempiony titulyny gazandy. Şeýle-de, ol Çempionlar ligasynda gowy çykyş etdi. Indi onuň öz formasyny saklap, şikes almazlygyna umyt bildirmek galýar” – diýip, portalyň hünärmenleri belledi.
Maý Aýynda Ýamal “Barselona” bilen şertnamasyny 2031-nji ýyla çenli uzaltdy.
Reýtingiň başynda ispaniýaly futbolçy braziliýaly Winisius Žuniordan öňe geçdi. Ozal Winisiusyň bazar bahasy 200 mln ýewro ýetýärdi, ýöne täze reýtingde ol 170 mln ýewro çenli peseldi.
Ýamalyň yzyndan şular ýerleşdi: fransiýaly Kilian Mbappe (“Real”), angliýaly Jud Bellingem (“Real”) we norwegiýaly Erling Holand (“Mançester Siti”). Portal olary 180 mln ýewro bilen bahalandyrdy.
