“Missiýa ýerine ýetirmesiz: Ahyrky hasaplaşyk” (Миссия невыполнима: Финальная расплата) filmi prokatyň iki uikendiniň dowamynda 450 mln dollar ýygnady. Bu barada Variety neşiri habar berýär.
Kassa ýygymlarynyň üçden biri ($149 mln) amerikan bazarynyň paýyna düşdi, bu ýerde film “Lilo we Stiç” remeýki bilen bir hatarda prokatda öňdebaryjy bolmagynda galýar.
Şol bir wagtyň özünde, Tom Kruzyň baş keşbi ýerine ýetirmegindäki blokbasteriň býujeti 300-400 mln dollara barabar. Bu mukdar marketing we 2022-nji ýylda başlanan uzak möhletli surata düşüriş üçin çykdajylary öz içine alýar. Önümçiligiň gijikdirilmegi Golliwuddaky iş taşlaýyş bilen baglanyşykly boldy.
Insaýderleriň maglumatlaryna görä, çykdajylary ödemek üçin taslama azyndan 900 mln dollar ýygnamaly.
Franşizanyň sekizinji bölüminde Itan Hant “Esas” emeli aňyny ýok etmäge synanyşýar. Tom Kruzyň täze filmleri düşürmäge taýýardygyna garamazdan, döredijiler munuň ahyrky bölümdigini nygtaýar.
Geçen hepde aktýor Ginnesiň rekordlar kitabyna girizildi. Ol filmiň düşürilişinde iň gowy dubly almak üçin ýakylan paraşýut bilen 16 gezek bökdi. Şeýle-de, Kruzyň her bir bölümi prokatda 100 mln dollardan gowrak ýygnan dowamly kinoseriýa gatnaşygy boýunça rekordy hasaba alyndy.
