Apple kompaniýasy 2025-nji ýylyň WWDC konferensiýasynda täze önümleriniň birnäçesini, şol sanda iOS 26-ny tanyşdyrdy. Bloomberg agentliginiň analitigi Mark Gurmanyň maglumatlaryna görä, kompaniýa bu gezek esasan emeli aňly täze mümkinçiliklere üns berdi.
Täze goşuljak aýratynlyklaryň biri «Apple Intelligence» bilen «Translate» programmasynyň has gowy utgaşmagy bolar. Ulanyjylar indi telefon jaňlaryny we tekst habarlaryny häzirki wagtda terjime edip bilerler.
Apple şeýle hem «Apple Intelligence-iň» esasyny düzýän täzelenen «Foundation Models» modellerine elýeterliligi açar. Daşarky işläp düzüjiler bu modelleri diňe mobil enjamlar üçin bulut arkaly ýa-da ýerli ýagdaýda ulanyp bilerler.
iOS 26-da peýda boljak täze bir mümkinçilik hem «Genmoji» bolar. Bu aýratynlyk arkaly iki sany adaty emojini birleşdirip täze emoji döredip bolar. Şeýle-de «Shortcuts» programmasynda emeli aňyň mümkinçilikleri giňeldiler.
Şeýle hem emeli aň arkaly batareýanyň kuwwatyny has täsirli ulanmak mümkinçiligini döredýän aýratynlygyň ýylyň ahyrynda «iPhone 17» bilen, esasanam «iPhone 17 Air» modelinde peýda bolmagy mümkin.
Ýene bir täzelik – «Xcode» programmirleme gurşawynyň täze wersiýasy bolar we ol daşarky uly dil modellerine (LLM) baglanmaga mümkinçilik berer. Gurmana görä, Apple şu wagt Google bilen gepleşikleri geçirýär we «Gemini» modelini «ChatGPT» üçin alternatiwa hökmünde ulanmagy meýilleşdirýär.
