Apple kompaniýasy AirPods nauşnikleri üçin uly täzelenme taýýarlaýar.
The Verge-iň maglumatlaryna görä, nauşnikleriň kömegi bilen iPhone ýa-da iPad kamerasyny dolandyryp bolar. Ulanyjylar AirPods-yň “aýagyna” basyp, surata düşürip biler.
Beýleki täzelikleriň arasynda uklan ýagdaýyňda awtomatik pauza funksiýasy bar. Haçan-da ulgam ulanyjynyň uklandygyny kesgitlände, aýdym ýa-da podkast pauza goýulýar. Häzirlikçe munuň üçin Apple Watch-yň gerekdigi ýa-da ýokdugy belli däl.
Apple sesiň gatylygyny sazlamak üçin kelle hereketini-de goşup biler. Bu gürrüňdeşlik wagtynda nauşnikdäki sesiň gatylygyny awtomatik peseldýän Conversation Awaraness funksiýasynyň üstüni ýetirer.
Şeýle-de, täze iPhone 16-daky ýaly sesi basyp ýatyrýan studiýa hilli mikrofon režiminiň bolmagyna garaşylýar.
Mundan başga-da, kompaniýa AirPods-yň iPad-e birikmegini ýönekeýleşdirmek isleýär. Bu täzelik bilim edaralary üçin niýetlenip, bilim prosesinde tehnikanyň ulanylyşyny aňsatlaşdyrmaly.
Bu täzelikleriň ählisiniň 9-njy iýunda WWDC 2025 konferensiýasynda hödürlenmegine garaşylýar.
