Dünýäniň ikinji raketkasy, ABŞ-dan Kori Gauff Parižiň toprak kortunda geçirilen Fransiýanyň Açyk çempionatynyň (“Rolan Garros”) ýeňijisi boldy. Ol finalda dünýäniň birinji raketkasy, belarusly tennisçi Arina Sobolenkony utdy.
Oýun 2 sagat 38 minut dowam etdi we 21 ýaşly amerikaly türgeniň peýdasyna 6:7 (5:7), 6:2, 6:4 hasabynda tamamlandy. Tennisçileriň arasyndaky şahsy duşuşyklarda hasap Gauffyň peýdasyna 6:5 boldy.
Bu titul Gauff üçin “Rolan Garrosda” ilkinji boldy. Ozal onuň bu ýerde iň gowy netijesi 2022-nji ýylda finala çykmagy bolupdy. Ol ýaryşda gazanan ýeňşi üçin 2,55 mln ýewro alar. Bu amerikaly türgeniň ýekelikde “Uly tuwulga” ýaryşlarynda ikinji ýeňşidir – ol 2023-nji ýylda US Open-iň ýeňijisi boldy.
27 ýaşly Arina Sobolenko üçin bu final karýerasynda altynjy we “Uly tuwulga” ýaryşlarynda yzygider üçünji boldy. Onuň hasabynda üç titul bar: Awstraliýanyň Açyk çempionatynda iki (2023, 2024) we US Open-de bir (2024).
