Iýulda Stiwen Kingiň «Institut» atly romany boýunça düşürilen serial görkeziler

  • 07.06.2025 18:55
  • 1.5k+

Stiwen Kingiň adybir romany esasynda surata düşürilen «Institut» serialy 13-nji iýulda «MGM+» striming hyzmatynda görkeziler. Bu barada «Deadline» neşiri habar berýär.

Taslama sekiz bölümden ybarat. Serialyň režissýory Jek Bender, ssenarisini bolsa Benjamin Kawell ýazdy.
Wakalaryň merkezinde zehinli ýetginjek Lýuk Ellis ýerleşýär. Ony ogurlap, aýratyn ukyby bolan çagalaryň zor bilen saklanýan ýapyk edarasy bolan Instituta ýerleşdirýärler.
Lýuk niredeligine düşünmäge synanyşýan mahaly, golaýdaky şäherçede öňki polisiýa işgäri Tim Jeýmison peýda bolýar. Ol bu ýere täze durmuşa başlamak üçin gelen bolsa-da, gysga wagtda onuň ýoly Lýugyň ykbaly bilen gabatlaşýar.
Lýugyň keşbini Jo Friman ýerine ýetirdi. Timiň keşbini bolsa «Dorian Greýiň portreti» filmi bilen meşhur bolan Ben Barns ýerine ýetirdi. Taslamanyň prodýuserleri Jek Bender, Benjamin Kawell, Geri Barber, Sem Şeridan, Ed Redlih hem-de Stiwen Kingiň özi boldy. Serialyň önümçiligini «Amazon MGM Studios» alyp barýar.
«Institut» romany 2019-njy ýylda çykdy. Onuň ekranlaşdyryljakdygy barada 2024-nji ýylda mälim edilipdi.


düýn 22:43
2.6k+

Timur Bekmambetowdan “Dünýäleriň urşy” filminiň treýleri çykdy: ol skrinlaýf görnüşde düşürildi

Prime Video akym hyzmaty Gerbert Uellsiň “Dünýäleriň urşy” (Война миров) romanynyň täze skrinlaýf-ekranlaşdyrmasynyň treýlerini hödürledi. Filmde baş keşbi repçi Aýs Kýub ýerine ýetirdi. Sýužet Homeland Security-dan kiberhowpsuzlyk boýunça analitik Uill Redforda ünsi jemleýär...

26.07.2025 18:25
4.6k+

Fabergé Bond baradaky filmiň şanyna 177 müň dollarlyk altyn ýumurtga çykardy

Fabergé zergärlik öýi Jeýms Bond baradaky wakalaryň üçünji bölümi bolan “Goldfinger” filminiň 60 ýyllygy mynasybetli 177 müň dollardan gowrak bahaly ýumurtgany hödürledi. Bu barada kompaniýanyň resmi saýtynda habar berilýär...

26.07.2025 18:20
5k+

Jon Uik baradaky filmleri dörediji “Calexit” komiksini ekranlaşdyrar

Jon Uik baradaky filmler bilen tanalýan amerikaly režissýor Çad Stahelski “Calexit” komiksi boýunça doly metražly film düşürer. Bu barada The Hollywood Reporter habar berýär. Ssenarini Black Mask Studios-yň prezidenti Matteo Pissolo ýazar, prodýuserler hökmünde Aleks Ýang, 87Eleven Entertainment-den Jeýson Spits, şeýle-de Pissolo, Brett Gurewis we Braýan Giberson çykyş eder...

26.07.2025 16:40
1.9k+

Netflix meşhur “Uensdeý” serialyny üçünji möwsüme uzaltdy

Netflix platformasynyň taryhynda iň meşhur iňlis dilli serial “Uensdeý” üçünji möwsüme uzaldyldy. Bu barada platformanyň resmi saýtynda habar berildi. Mundan başga-da, taslamanyň režissýory Tim Býorton we baş keşbi ýerine ýetiriji Jenna Ortega The Hollywood Reporter bilen söhbetdeşlikde spin-offy döretmek mümkinçiliginiň maslahatlaşylýandygyny aýtdy...