Italiýaly hünärmen Simone Indzagi Saud Arabystanynyň “Al-Hilýal” futbol toparynyň baş tälimçisi wezipesine bellendi. Bu barada klubuň resmi saýtynda habar berilýär.
49 ýaşly hünärmen bilen şertnama 2026/27 möwsüminiň ahyryna çenli hereket eder. Bellenilişi ýaly, Indzagi eýýäm topary 14-nji iýundan 13-nji iýul aralygynda ABŞ-da geçiriljek Klublaýyn dünýä çempionatyna taýýarlap başlady.
KHBS hünärmeniň täze wezipede ýylda 25 mln ýewro aljakdygyny, şeýle-de 4-5 mln ýewro möçberinde goşmaça bonusyň göz öňünde tutulandygyny habar berýär. Transfermart-yň maglumatlaryna görä, bu görkeziji babatda ondan öňde diňe Madridiň "Atletikosynyň" tälimçisi Diego Simeone ýerleşýär (ýylda 34 mln ýewro).
Mundan öň, Indzagi “Intere” ýolbaşçylyk etdi. Ol kluby Çempionlar ligasynyň final oýnunda “PSŽ-den” 5:0 hasabynda utulandan soň terk etdi.
Hünärmen Milan kluby bilen bilelikde Seriýa A-nyň çempiony (2023/24) boldy, Italiýanyň iki Kubogyny (2021/22, 2022/23) we üç Superkubogyny (2021, 2022, 2023) aldy. Şeýle-de, topary iki gezek Çempionlar ligasynyň finalyna çykardy.
Indzagi Rimiň “Lasio” klubunyň hem baş tälimçisi boldy. Onuň ýolbaşçylygynda topar Italiýanyň Kubogyny (2018/19) we iki Superkubogyny (2017, 2019) gazandy.
