Apple ChatGPT-ni enjamlaryna birleşdirjekdigini yglan edeninden soň, bäsdeşler özleriniň AI strategiýalaryna täzeden garap başladylar. Samsung Kremniý jülgesiniň başlangyjy bolan Perplexity bilen hyzmatdaşlyga girmek bilen, mundan ilkinjileriň biri bolup täsirlendi.
Bloomberg-iň wekili Mark Gurmanyň habar bermegine görä, täze Galaxy S26 içerki Perplexity programmasyny alar. Ol smartfonda esasy AI kömekçisi bolar. Şeýle hem Perplexity gözleg ulgamyny, enjam entek resmi taýdan çykmazdan ozal, Samsung-yň firma brauzerine we OneUI gabygyna birikdirmek meýilleşdirilýär.
Şeýlelikde, Samsung kem-kemden Google-yň hyzmatlaryna garaşlylygyny azaldar. Perplexity bilen täze hyzmatdaşlyk kompaniýanyň tutuş ekoulgamynyň ösüşine täsir edip biler. Çeşmeleriň habaryna görä, taraplar çuňňur AI integrasiýaly öz operasiýa ulgamyny döretmek mümkinçiligini ara alyp maslahatlaşýarlar.
Bixby ses kömekçisini gaýtaryp getirmek hem göz öňünde tutulýar. Bixby Routines ýaly funksiýalarynyň bardygyna garamazdan, öň ol kän meşhurlyk gazanyp bilmedi. Perplexity-iň goldawy bilen taslama hasam ösdürilip bilner.
Samsung Galaxy Z Fold 7 we Z Flip 7-iň tanyşdyrylyş dabarasynda - iýul ýa-da awgust aýlarynda integrasiýanyň goşmaça jikme-jikliklerini açyp biler.
