Ledi Gaganyň Braziliýadaky konserti resmi taýdan Ginnesiň rekordlar kitabyna girizildi

  • 05.06.2025 15:52
  • 9.9k+

Ledi Gaganyň 3-nji maýda Braziliýanyň Rio-de-Žaneýro şäheriniň Kopakabana kenaryndaky mugt konserti resmi taýdan Ginnesiň rekordlar kitabynda zenan sazandalaryň arasynda iň köp tomaşaçy ýygnan ýekelikdäki çykyş hökmünde ykrar edildi.

Çaklamalara görä, amerikaly aýdymçynyň çykyşyna, takmynan, 2,5 million adam gelipdir. Bu Ledi Gaganyň 13 ýyl arakesmeden soň Braziliýadaky ilkinji şüweleňidi. Mundan ozal bu rekord Madonna degişlidi, onuň şol bir kenarda geçirilen 2024-nji ýylyň 4-nji maýyndaky konsertine, takmynan, 1,6 million tomaşaçy ýygnanypdy.
Çäreleriň ikisem «Live Nation» kompaniýasy bilen Rio-de-Žaneýronyň syýahatçylyk agentligi tarapyndan gurnalan mugt konsertler tapgyrynyň çäginde geçirildi. Guramaçylar Ledi Gaganyň çykyşynyň ýerli ykdysadyýete 100 million dollardan gowrak girdeji getirmegine garaşýarlar.
Aýdymçynyň üstünlikli çykyşyna garamazdan, tomaşaçy sany boýunça absolýut rekord britaniýaly sazanda Rod Stýuarta degişlidir. Onuň 1994-nji ýylda Kopakabana kenarynda beren Täze ýyl konsertine 3,5 million adam gatnaşypdy. Ginnesiň rekordlar kitabynda bellenmegine görä, bu sanyň arasynda diňe feýerwerklere tomaşa etmäge gelenler hem bolup biler.


11.06.2025 22:38
8.9k+

78 ýaşly täze zelandiýaly adam 31 minutlap plankada durup, rekord goýdy

Täze Zelandiýadan Meýnard Uilýams 78 ýyl 135 gün ýaşynda plankada 30 minutdan gowrak wagt saklanyp, täze rekord goýdy. Ol bu maşky ýerine ýetiren iň garry erkek adam boldy diýip, Ginnesiň rekordlar kitabynyň saýtynda habar berilýär...

11.06.2025 22:32
4.8k+

Nadalyň “Rolan Garros – 2017-niň” finalyndaky raketkasy rekord pula satyldy

Rafael Nadalyň 2017-nji ýylyň “Rolan Garros” ýaryşynyň finalynda ulanan Babolat raketkasy auksionda 157,3 müň dollara satyldy. Bu häzire çenli tennis raketkasy üçin tölenen iň ýokary mukdardyr diýip, ESPN habar berýär...

07.06.2025 19:34
7.6k+

Tom Kruz ot alan paraşýut bilen 16 gezek böküp, Ginnesiň rekordyny goýdy

Aktýor Tom Kruz ot alan paraşýut bilen 16 gezek böküp, Ginnesiň rekordlar kitabyna girmegi başardy. Howply hokga (trýuk) franşizanyň «Missiýa ýerine ýetirmesiz: Ahyrky hasaplaşyk» («Mission: Impossible – The Final Reckoning») atly sekizinji filminiň surata düşürilýän wagty ýerine ýetirildi...

06.06.2025 09:16
7k+

11 ýaşly Kaleb Stýuard dünýäde iň ýaş ruhlandyryjy spiker diýlip ykrar edildi

ABŞ-dan 11 ýaşly Kaleb Stýuard resmi taýdan dünýäde iň ýaş ruhlandyryjy spiker boldy. Ginnesiň rekordlar kitabynda habar berlişi ýaly, ol ynanmak barada özüniň ilkinji sözüni Tallahassidäki ALARM halkara buthanasynda 3 ýyl 307 gün ýaşynda aýtdy...