Ispaniýanyň milli ýygyndysynyň hüjümçisi Lamin Ýamal Halkara sport gözlegleri merkeziniň (CIES Football Observatory) wersiýasy boýunça dünýäniň iň gymmat futbolçysy boldy. “Barselona” bilen täze şertnama baglaşandan soň, onuň transfer bahasy 402,3 mln ýewro diýlip hasaplandy.
17 ýaşly oýunçynyň katalon kluby bilen 27-nji maýda baglaşan täze şertnamasy 2031-nji ýylyň tomsuna çenli hereket edýär. Ýanwar aýynda Ýamalyň bahasy 108,3 mln ýewrody.
Şeýle-de, CIES boýunça iň gymmat futbolçylaryň ilkinji onlugyna şular girdi:
- ·Erling Holand (“Mançester Siti”, €239,6 mln)
- ·Jud Bellingem (“Real”, €233,8 mln)
- ·Kilian Mbappe (“Real”, €192,5 mln)
- ·Jamal Musiala (“Bawariýa”, €154,8 mln)
- ·Pedri (“Barselona”, €143,7 mln)
- ·Winisius Žunior (“Real”, €130,4 mln)
- ·Koul Palmer (“Çelsi”, €126,5 mln)
- ·Hulian Alwares (“Atletiko”, €126 mln)
- ·Florian Wirs (“Baýer”, €122,3 mln).
CIES futbolçylaryň transfer bahasyny öz algoritmi boýunça hasaplaýar, ol şertnamalarda görkezilen satyn almak üçin tölegi göz öňünde tutmaýar.
Lamin Ýamal geçen tomus geçirilen Ýewropa çempionatynyň iň gowy ýaş oýunçysy diýlip ykrar edildi we ýaryşyň taryhynda iň ýaş futbolçy we gol awtory boldy. Şol ýaryşda Ispaniýa ýeňiji boldy.
Ýamal 2024-nji ýylyň noýabrynda Ýewropanyň iň gowy ýaş oýunçysy hökmünde Golden Boy baýragyny aldy.
Ol geçen möwsüm “Barselona” üçin 55 oýna gatnaşyp, 18 gol geçirdi we 25 assist etdi. Klub Ispaniýanyň çempiony we Kubogynyň eýesi boldy.
