Aýdymçy The Weeknd (hakyky ady – Eýbel Makkonen Tesfaýe) «Nespresso» kofe brendi bilen hyzmatdaşlyga başlady. Bu hyzmatdaşlygyň çäginde olar çäkli sanda kofe garyndylaryny, syýahat üçin kružkalary we ýörite bulgurlary çykardylar diýip, «Hypebeast» neşiri habar berýär.
Taslama «Samra Origins» diýlip atlandyryldy, bu at aýdymçynyň ejesiniň hormatyna dakyldy. Onuň ady Samrawit Haýlu eken. Bellenmegine görä, bu önümler The Weeknd-iň efiop mirasyny we maşgala däplerini şöhlelendirýär.
«Kofe biziň maşgalamyzyň medeniýetinde çuňňur orun eýeleýär — bu bir ýere ýygnanmak, gürrüňdeş bolmak we pikir alyşmak bilen baglanyşykly» — diýip, aýdymçy aýtdy.
Şeýle hem Nespresso The Weeknd-iň 3-nji sentýabra çenli dowam etjek dünýä turnesiniň esasy hemaýatkäri boldy.
«Aýdym-saz nädip dürli žanrlary garyşdyrýan bolsa, biziň kofämiz hem adamlary birleşdirýär» — diýip, «Nespresso» kompaniýasynyň baş direktory Filipp Nawratil aýtdy.
Şeýle-de ýylyň ahyryna çenli aýdymçy bilen bilelikde başga-da täze önümleriň çykarylmagyna garaşylýar.
