Günorta Koreýanyň Robototehnika we emeli aň barlaghanasynda işlenip taýýarlanan dört aýakly robot Raibo parkury özleşdirdi. Ol dik diwaryň ýüzünden ylgap, 1,5 metre çenli beýiklikdäki päsgelçiliklerden böküp we daşlyk ýerlerde hereket edip bilýär diýip, Science Robotics žurnalynda aýdylýar.
Robotyň tehnologiýasy ugry meýilleşdirmegi we hereketi yzarlamagy birleşdirýän dolandyryja esaslanýar. Neýron ulgamy häzirki wagtda täzelenip, töwerekdäki giňişligiň kartasyny döredýär. Bu Raibo-a iň amatly ýoly saýlamaga we howpsuz hereket etmek üçin daýanç nokatlaryny tapmaga kömek edýär. Kameralar we seslenme datçikleri roboty kyn şertlere uýgunlaşdyrmaga mümkinçilik berýär.
Synaglarda Raibo haýran galdyryjy netijeleri görkezdi. Ol bökmekde 1,3 metr aralygy geçip bilýär, basgançaklara, panduslara we gutulara çykýar, päsgelçiliklerden ynamly aşak inýär. Robot gysga aralyklarda bitekiz ýerlerden geçip, dik diwarlaryň ýüzünden arkaýyn ýöräp bilýär.
Alymlar eýýäm onuň mümkinçiliklerini we howpsuzlygyny ýokarlandyrmak arkaly Raibo 2-niň üstünde işleýärler. Işläp düzüjiler şeýle robotlary tebigy betbagtçylyklarda we adama hereket etmek kyn ýa-da howply bolan beýleki şertlerde ulanyp boljakdygyna ynanýarlar.
