SpaceX kompaniýasy 2025-nji ýylda öz uçuş rekordyny täzelär

  • 02.06.2025 14:05
  • 1.3k+

ABŞ-nyň SpaceX kosmos kompaniýasy 2025-nji ýylda rekord mukdarda orbital uçuş ýerine ýetirmegi meýilleşdirýär. Bu barada ABŞ-nyň Kosmos güýçleriniň milli howpsuzlyk maksatlary («NSSL») üçin uçuşlar maksatnamasynda kompaniýanyň gatnaşygyny utgaşdyrýan SpaceX bölüminiň ýolbaşçysy Enn Meýson habar berdi.

«Ýylyň ahyryna çenli 170 uçuş amala aşyrmagy meýilleşdirýäris» — diýip, Enn Meýson aýtdy.

Eger-de bu maksat ýerine ýetirilse, onda bu görkeziji kompaniýanyň 2024-nji ýyldaky rekordyndan hem geçer. Geçen ýyl SpaceX jemi 134 orbital uçuş amala aşyrypdy (şolaryň 132-si «Falcon 9» raketa göterijisi bilen, 2-si bolsa «Falcon Heavy» bilen). Şol uçuşlaryň, takmynan, üçden iki bölegi Ýeriň pes orbitasyna «Starlink» hemralaryny ýerleşdirmek bilen baglanyşyklydy.
Meýsonyň sözlerine görä, «Falcon 9» raketasynyň täze ikinji tapgyry her 2,5 günde bir çykýar. Birinji tapgyr gaýtadan ulanylýar, bu bolsa uçuşlara taýýarlyk prosesini ep-esli çaltlaşdyrýar.
2025-nji ýylyň başyndan bäri, kompaniýa eýýäm 64 orbital missiýany ýerine ýetirdi. Bu günde ortaça 0,43 uçuş diýmekdir. Meýilleşdirilen sana ýetmek üçin, kompaniýa uçuşlaryň ýygylygyny birneme ýokarlandyrmaly bolar.
Görkezilen maglumatlar diňe orbital uçuşlara degişlidir. «Starship» kysymly täze kosmos gämisiniň synag uçuşlary muňa degişli däldir. 2025-nji ýylda «Starship» eýýäm üç synag uçuşyny amala aşyrdy, olaryň soňkusy 28-nji maý gijesi şowsuz tamamlanypdy.


28.08.2025 23:44
1.9k+

SpaceX-iň köp gezeklik Falcon 9 raketasy 30-njy uçuşyny amala aşyrdy

28-nji awgustda SpaceX kompaniýasy Falcon 9 raketasyny üstünlikli uçurdy – ol Ýere golaý orbita Starlink internet aragatnaşyk ulgamynyň täze hemralaryny çykardy. Raketanyň B1067 belgili birinji köp gezeklik basgançagy uçuşdan soň Ýere gaýdyp geldi we eýýäm 30-njy gezek Atlantika ummanyndaky ýüzýän platformada asuda gondy...

28.08.2025 12:21
4.7k+

Mask Starship-de ýokary tizlikli uçuşlary wada berýär: Nýu-Ýorkdan Londona 10 minutda

Ilon Mask özüniň soňky çykyşynda ýene Starship kosmos gämisini Ýerde ýokary tizlikli uçuşlar üçin ulanmak mümkinçiligi barada söz açdy. SpaceX-iň ýolbaşçysynyň aýtmagyna görä, Los-Anjeles we Sidneý, Los-Anjeles we Tokio ýa-da Nýu-Ýork we Singapur ýaly şäherleriň arasyndaky syýahat 30 minutdan hem az wagt alyp biler...

28.08.2025 07:19
5.5k+

Iň güýçli Gün teleskopy rekord jikme-jiklik bilen koronal arkalaryny surata aldy

Astronomlar Deniel K. Inoue Gün teleskopynyň (DKIST) kömegi bilen Gündäki alawlamanyň jikme-jik suratyny aldy. Milli Gün obserwatoriýasynyň (NSO) hünärmenleri 2024-nji ýylyň 8-nji awgustynda bütindünýä wagty boýunça 20:12-de bolup geçen X1...

27.08.2025 11:42
2.4k+

SpaceX kompaniýasy Starship gämisiniň onunjy synag uçuşyny üstünlikli geçirdi

26-njy awgustda SpaceX amerikan kompaniýasy Starship gämisi oturdylan Super Heavy raketa göterijisiniň onunjy synag uçuşyny üstünlikli geçirdi. Çäre X sosial ulgamy arkaly göni ýaýlymda görkezildi. Kompaniýanyň berýän maglumatyna görä, synagda öňde goýlan maksatlara ýetildi we bu uçuş "dünýäde ilkinji dolulygyna köp gezeklik raketa göterijisini işläp taýýarlamakda ähmiýetli ädim» boldy...