Oskar baýragynyň eýesi, amerikaly režissýor Klint Istwud täze filmiň üstünde işläp başlandygyny habar berdi. Bu barada Reuters habar berýär.
Eastwood Awstriýanyň “Kurier” neşiriniň žurnalistlerine beren interwýusynda "Adamyň ýaşy ulaldygysaýyn öňküdenem gowy bolup bilmezligine sebäp ýok. Bu gün meniň tejribäm has-da köp. Elbetde, belli bir ýaşda elini gowşadýan režissýorlar hem bar, ýöne men olardan däl" – diýip, Istwud Awstriýanyň Kurier neşiri bilen bolan söhbetdeşliginde aýtdy.
Habar beriş serişdeleriniň berýän maglumatyna görä, 95 ýaşly Istwud atsyz filmiň önümçiligine başlamazynyň öň ýanyndaky döwürde. Geçen ýyl ol baş keşplerde Nikolas Holtyň we Toni Kollettiň oýnamagynda “Oturdaş №2” kazyýet trillerini çykardy. Film tankytçylaryň oňyn synlaryny aldy.
Istwud karýerasynda jemi 40 filme režissýorlyk etdi. Aktýor hökmünde 83 filmde oýnady. Şol bir wagtyň özünde 24 filminde hem režissýor, hem aktýor hökmünde çykyş etdi. Iň meşhur eserleriniň arasynda “Bagyşlanmadyk” (“Непрощённый” (1992)) we “Million dollarlyk gyzjagaz” (“Малышка на миллион” (2004)), ikisi hem iň gowy film we iň oňat režissýorlyk diýen ugurlarda “Oskar” baýragyna eýe boldy.
Şeýle-de, Istwud “Guş” (“Птица”(1988)), “Medison etrabynyň köprüleri” (“Мосты округа Мэдисон” (1995)), “Ganly işi” (“Кровавая работа” (2002)), “Syrly derýa” (“Таинственная река” (2003)), “Çalyşma” (“Подмена” (2008)), “Gran Torino” (2008) we “Mergen” (“Снайпер” (2014)) ýaly filmleri bilen hem tanalýar.
