Meşhur gonkongly aktýor Jeki Çan özüniň gowy görýän filmleri barada aýtdy. Letterboxd neşiri bilen söhbetdeşlikde 71 ýaşly artist özünde uly täsir galdyran dört filmi agzap geçdi.
Çan “Rokki” sport dramasynyň (Рокки, 1976), “Sazyň sesi” nusgawy mýuzikliniň (Звуки музыки, 1965) we “Çokundyran ata” mafiýa dramasynyň (Крёстный отец, 1972) muşdagydygyny aýtdy – bu filmleriň üçüsi-de çykan ýyly iň gowy film hökmünde “Oskar” baýragyny aldy.
“Rokki” Silwestr Stalloneniň adyny dünýä ýaýyp, boks barada iň belli filmleriň birine öwrüldi.
“Sazyň sesi” adybir Brodweý mýuzikliniň ekranlaşdyrmasy bolup, taryhda iň bir durmuşy filmleriň biri hasaplanýar.
Baş keşplerde Marlon Brando we Al Paçino bilen “Çokundyran ata” hem dünýä kinosynyň taryhynda iň beýik filmleriň biri diýlip ykrar edildi.
Şeýle-de, Çan özüniň “Polisiýa hekaýaty” filmini (Полицейская история, 1985) gowy görýän filmleriniň hataryna goşdy. Ol bu filmde baş keşbi ýerine ýetiripdi. Bu komediýa, uruşly film bolup, onda aktýor köp sanly çylşyrymly we örän üýtgeşik hereketleri ýerine ýetirdi. Filmiň üç dowamy, gaýtadan düşürmegiň çäklerinde ýene iki film, şeýle-de bir spin-off çykdy.
