Julien’s Auctions auksion öýi Turner Classic Movies bilen bilelikde režissýor Dewid Linçiň 400-den gowrak şahsy zadyny satuwa çykarar diýip, Variety habar berýär.
The David Lynch Collection atly auksion 18-nji iýunda Kaliforniýada onlaýn görnüşde geçiriler. Harytlaryň arasynda “Twin Piks”, “Bozguç kelle”, “Hiç ýere ýol”, “Malholland Draýw”, “Gök mahmal” we “Pil adam” filmleri bilen baglanyşykly predmetler bar.
Auksiona režissýorlyk oturgyjy, ekpresso-maşyn, aýdym-saz gurallary, mebel, studiýa enjamlary we Linçiň beýleki şahsy zatlary çykarylar.
“Bu Linçiň özboluşly çeper garaýşyny, onuň hyjuwyny we sungata goşandyny görkezýän taryhy kolleksiýa” – diýip, auksion öýüniň wekili Ketrin Uilýamson belledi.
Dewid Linç 2025-nji ýylyň 16-njy ýanwarynda 78 ýaşynda aradan çykdy. Geçen ýylyň tomsunda ol öýken emfizemasyndan ejir çekýändigini habar berdi. Onuň sebäbi dowamly çilim çekmegi boldy.
Aprel aýynda onuň gyzy Jennifer Linç tekstli mazar daşynyň suratyny görkezdi. Daşda Night Blooming Jasmine (“Gijeki gülleýän jasmin”) jümlesi ýazylan. Jennifer Linç onuň manysyny düşündirmedi.
