Ýurduň abadançylygy köp babatda zähmete ukyply ilatyň bilim derejesine baglydyr. Bilimli hünärmenler köplenç ýokary netijeliligi gazanýarlar, innowasiýalary ornaşdyrýarlar we ykdysady ösüşe goşant goşýarlar. Olaryň goşandy döwletiň ösüşi üçin durnukly esas döredýär.
CBRE Research halkara konsalting kompaniýasy tarapyndan geçirilen barlag bakalawr derejesinden we ondan ýokary derejedäki ýokary bilimli uly ýaşly ilatyň (25-64 ýaş aralygy) haýsy ýurtlarda iň köp paý alýandygyny görkezdi.
Reýtingdäki ýokarky setirleri, esasan, Ýewropa ýurtlary eýeleýär (ilkinji 10-dan 6-sy). Sebitiň ilaty bilimlilikde we hünärlilikde ýokary derejäni saklaýar.
Irlandiýa reýtingde öňdebaryjy boldy, uly ýaşly ilatynyň 52% -i ýokary bilimli. Ikinji orunda Şweýsariýa (46%), üçünji orny Singapur (45%) eýeledi.
