Gonkongly aktýor Jeki Çan karate boýunça gara guşak aldy. Dabara Nýu-Ýorkda “Karateçi oglanjyk: Ussatlar” (Каратэ-пацан: Легенды) filminiň premýerasy wagtynda geçirildi diýip, Bütindünýä karate federasiýasynyň (WKF) saýtynda habar berildi.
Gara guşagy filmden başga bir aktýor Ralf Makkýo hem aldy. Artistleriň ikisi-de WKF-iň baş sekretary Toşihisa Naguradan gutlag kabul etdi.
Dabara olimpiýaçy we karate boýunça ABŞ-nyň çempiony Tomas Skott gatnaşdy. Guşaklaryň gowşurylmagy WKF-iň “Karateçi oglanjyk” franşizasyny döredijiler bilen hyzmatdaşlygynyň çäklerinde geçirildi.
WKF bu wakanyň karate gymmatlyklaryny – dissiplinany, hormaty, mertebäni, çydamlylygy we jebisligi öňe sürmekde kinonyň ähmiýetini görkezýändigini belledi.
WKF-iň prezidenti Antonio Espinosyň aýtmagyna görä, karateniň gymmatlyklaryny “Karateçi oglanjyk” franşizasyndan has gowy görkezmegi başaranlar az-azdyr.
“Karateçi oglanjyk: Ussatlar” filmi 8-nji maýda dünýä prokatyna çykdy. Jeki Çan we Ralf Makkýo ýaş gahryman Li Fonga (onuň keşbini Ben Wan ýerine ýetirdi) Nýu-Ýorka öwrenişmäge we karate boýunça ýaryşa gatnaşmaga kömek edýän söweş sungatynyň ussatlarynyň keşplerini ýerine ýetirdi. Filmiň režissýory Jonatan Entuistl boldy, ssenarini Rob Liber ýazdy.
