Martin Skorseze bilen Leonardo DiKaprio “Karfagen ýegsan edilmeli” (Карфаген должен быть разрушен) atly täze uruşly filme prodýuserlik eder. Bu barada Deadline neşiri habar berýär.
Film üçin ssenarini “Ouşeniň on bir dosty” (Одиннадцать друзей Оушена) filminiň awtory hökmünde tanalýan Ted Griffin ýazdy.
Sýužet aldaw bilen korrupsiýadan doly şähere düşen nätanyş birine ünsi jemlär. Baş gahryman aňynyň we güýjüniň kömegi bilen bar bolan düzgüne garşy göreşer.
Filmiň önümçiligi bilen Verdi Productions kompaniýasy meşgullanar. Ýerine ýetiriji prodýuser Çad Werdi taslamany “herekete baý” diýip atlandyryp, toparyň ony kinematografda “täze derejä” çykarjakdygyny aýtdy.
Filmi surata düşürmek işleri oktýabra meýilleşdirildi we Rod-Aýlend amerikan ştatynda geçiriler. Aktýorlar düzümi barada maglumat heniz ýok.
Şeýle-de, Skorseze bilen DiKaprionyň ýene bir filmiň üstünde işleýändigi mälim. Bu Merilin Robinsonyň “Öý” romanynyň ekranlaşdyrmasy bolup, häzir önümçilik tapgyryndadyr.
