Ilon Mask Trampyň administrasiýasyndaky wezipesinden çekilýändigini mälim etdi

  • 30.05.2025 12:25
  • 16k+

«Tesla» we «SpaceX» kompaniýalarynyň ýolbaşçysy Ilon Mask ABŞ-nyň Prezidenti Donald Trampyň administrasiýasyndaky ýörite döwlet gullukçysy wezipesinden çekilýändigini mälim etdi.

Telekeçi administrasiýanyň düzüminde döredilen Hökümet netijeliligi departamentine (DOGE) ýolbaşçylyk edýär. Bu edara hökümetiň çykdajylaryny, şol sanda «netijesiz» döwlet işgärleriniň sanyny azaltmak maksady bilen döredilipdi.

«Ýörite döwlet gullukçysy wezipesindäki iş möhletimiň tamamlanmagy bilen baglylykda, serişdeleriň biderek harçlanmagyny azaltmaga mümkinçilik döredendigi üçin Prezident Donald Trampa minnetdarlygymy bildirýärin» — diýip, Mask 29-njy maý gijesi «X» sosial torunda ýazdy.

«CNN-iň» Ak tamdaky çeşmesine salgylanyp ýazmagyna görä, milliarderiň bu wezipedäki iş möhleti 130 gün bilen çäklendirilipdir we bu möhlet 30-njy maýda tamamlanýar.
Maskyň sözlerine görä, DOGE missiýasy wagt geçdigiçe has-da güýçlenip, ähli hökümet işlerinde durmuş ýörelgesine öwrüler.
«Associated Press» agentliginiň bellemegine görä, başlangyçda Mask bu departamentiň ýolbaşçysy hökmünde hökümetiň çykdajylaryny 2 trillion dollar azaltmagy maksat edinipdi. Soň bu maksadyny 1 trillion dollara çenli düşürdi, iň soňunda bolsa 150 milliard dollara çenli peseltdi. Soň ýene bir trillion dollara çykardy, soň bolsa gaýtadan 150 milliard dollara çenli peseltdi.


26.10.2025 09:03
3.9k+

Türkmenistan hyzmatdaşlygyň binýady hökmünde ABŞ-da hemişelik bitaraplyk tejribesini görkezdi

24-nji oktýabrda ABŞ-nyň Waýoming Döwlet uniwersitetiniň kampusynda Türkmenistanyň hemişelik bitaraplygynyň 30 ýyllygyna bagyşlanan tanyşdyryş maslahaty geçirildi. Çäre Türkmenistanyň ABŞ-daky ilçihanasynyň ýolbaşçylygynda we goldaw bermeginde gurnaldy...

20.10.2025 20:41
16k+

Gurbanguly Berdimuhamedow TOPH taslamasyny goldaýandygy üçin Donald Trampa minnetdarlyk bildirdi

Türkmenistanyň Halk Maslahatynyň Başlygy Gurbanguly Berdimuhamedow Amerikanyň Birleşen Ştatlarynyň Türkmenistan – Owganystan – Pakistan – Hindistan gaz geçiriji taslamasyny ilkinji bolup goldan döwletleriň biridigini belledi...

17.10.2025 18:58
5k+

ABŞ-nyň Zikgehanasy Stiw Jobsly bir dollarlyk teňňäniň dizaýnyny görkezdi

ABŞ-nyň Zikgehanasy Apple-iň egindeş esaslandyryjysy we öňki baş direktory Stiw Jobsa bagyşlanan bir dollarlyk teňňäniň dizaýnyny hödürledi. Teňňede Kaliforniýanyň baýyrlarynda özi üçin adaty bolan obrazda – wodolazkada, jinsde we krossowkada aýbogdaşyny gurup oturan ýaş Jobs şekillendirilýär...

17.10.2025 12:22
9k+

2025-nji ýylda dünýäde iň köp eksport edýän 30 döwletiň sanawy düzüldi

2025-nji ýylda Hytaý eksport babatda dünýäde lider hökmünde öz ornuny berkitmegini dowam etdirýär. ABŞ bilen arasyndaky salgyt gapma-garşylygyna garamazdan, Hytaý Afrika, Günorta-Gündogar Aziýa we Ýewropa bilen söwda gatnaşyklaryny giňeldýär...