WhatsApp messenjeriniň iPad üçin wersiýasy işe girizildi. Bu barada kompaniýanyň resmi blogunda habar berildi.
Bu wersiýany işläp taýýarlamak üçin 15 ýyl gerek boldy: WhatsApp-yň özi 2009-njy ýylda, ilkinji iPad bolsa 2010-njy ýylda peýda boldy.
Indi messenjeriň ähli esasy funksiýalary Apple planşetlerinde elýeterlidir. iPad ulanyjylary 32 adamyň gatnaşmagynda audio we wideo jaňlary amala aşyryp biler, ekrany görkezip biler, hem frontal, hem esasy kamerany ulanyp biler.
Programma iPadOS-da bir wagtda birnäçe programmany ulanmagy we ekrany bölmek funksiýasyny goldaýar. Bu bir wagtyň özünde habar ibermäge we brauzerde saýtlary görmäge mümkinçilik berýär.
Mundan başga-da, iPad-de WhatsApp messenjeri Apple Pencil we klawiatura bilen gabat gelýär. Beýleki gurluşlardaky ýaly, ähli habarlar, jaňlar we mediafaýllar şifr arkaly goralýar.
Programmany App Store arkaly gurnamak bolýar.
