Honda elektrokarlary ikinji hatara süýşürdi: üns merkezinde – gibridler we benzin ulaglary

  • 28.05.2025 12:10
  • 2.8k+

Honda trende eýerip, geljek on ýyl üçin ösüş strategiýasyny üýtgedýär. Kompaniýa öň wada berlişi ýaly diňe elektromobillere üns bermezlik kararyna geldi. Munuň deregine ol gibridlere we adaty benzin hereketlendirijili modellere ünsi gönükdirer.

2027-nji ýyldan 2031-nji ýyl aralygynda Honda 13 sany täze gibrid modeli çykarmagy meýilleşdirýär. Elektrokarlar bilen bagly käbir taslamalar ýokary bahasy sebäpli soňa goýuldy. Elektromobiller üçin umumy maýa goýum 69 mlrd dollardan 48 mlrd dollara çenli azaldyldy.
Eýýäm şu ýyl täze sport gibrid kupesi Honda Prelude görkeziler. Şeýle-de, ýakyn ýyllarda Civic, Accord, CR-V, Pilot we Odyssey ulaglary täzelener. Bu modelleriň köpüsi gibrid görnüşine eýe bolar.
Şol bir wagtyň özünde, Honda elektromobil hataryny hem ösdürmegini dowam etdirer. 2026-njy ýylda Honda Saloon elektrosedany çykar. Soňra ýene üç elektrik krossower çykarylar. Ýöne önümçilik depgini birneme haýal bolar.
Mundan başga-da, Honda wodorod tehnologiýasyndan ýüz öwürmeýär. 2027-nji ýylda kompaniýa ýangyç elementlerinde işleýän täze modeli hödürlär.
Şeýlelikde, Honda strategiýasyny häzirki bazar şertlerine görä sazlar. Esasy ileri tutulýan ugur alyjylaryň zerurlyklaryna laýyk gelýän elýeterli we ýörgünli modelleri çykarmakdyr. 


düýn 11:35
2k+

Kia elektrokarlaryň eýeleri üçin benzin ysly awtomobil ys berijisini çykardy

Kia kompaniýasy Finlýandiýada ýerli importçy bilen bilelikde elektrik awtoulag eýelerinde içinden ýandyrylýan hereketlendirijili awtoulaglaryň aýratyn ysyna bolan küýsege esaslanyp täsin marketing kampaniýasyny başlady...

düýn 10:57
4.2k+

Tesla 60 müňden gowrak Cybertruck-y yzyna çagyrdy: faralar garşydan gelýän sürüjileriň gözüni gamaşdyrýar

Tesla kompaniýasy garşydan gelýän ulagyň sürüjisini gözüňi gamaşdyryp biljek örän ýiti öň gabara çyralary sebäpli 63 620 sany Cybertruck elektrik pikabyny yzyna çagyrýandygyny habar berdi. Bu barada ABŞ-nyň Ýol hereketiniň howpsuzlygyny dolandyryş Milli gullugy (NHTSA) maglumat berýär...

düýn 09:27
3.3k+

Mercedes-Benz dünýäde iň güýçli 13 kg-lyk elektrik hereketlendirijisini taýýarlady

Mercedes-Benz-iň Britaniýadaky şahamçasy YASA Group täze nesil aksial elektrik hereketlendirijisini hödürledi. Bu görnüşli hereketlendirijiler okunyň ugrunda aýlanýandygy üçin has ykjam bolýar we elektrikli awtoulaglar üçin amatly hasaplanylýar diýip, Interesting Engineering habar berýär...

27.10.2025 09:24
3.5k+

BYD-yň giperkary Nýurburgringde Xiaomi SU7-niň rekordyny täzeledi

BYD konserni Yangwang U9 Xtreme (U9X) elektrik giperkarynyň täze üstünligi barada habar berdi. Kupe Nýurburgring ýolunyň 20,8 kilometrini 6 minut 59,157 sekuntda geçdi. Bu Xiaomi SU7 Ultra sedanyndan 6 sekunt diýen ýaly tizdir...