Nepally alpinist Kami Rita Şerpa 31-nji gezek Ewereste çykyp, öz dünýä rekordyny täzeledi. Bu barada The Kathmandu Post habar berýär.
Daga çykmagy gurnan Seven Summit Treks kompaniýasynyň başlygy Mingma Şerpanyň habar bermegine görä, 55 ýaşly alpinist sişenbe güni durnukly howa şertlerinde dünýäniň iň beýik depesine ýetdi. Häzir ol aşak düşüp başlady we esasy lagere tarap ugrady.
Kami Ritanyň asly Solukhumbu daglyk sebitinden. Ol ilkinji gezek Ewereste 1994-nji ýylda çykdy we dünýäde iň tejribeli alpinistleriň biri hasaplanýar.
Reýtingde onuň yzyndan iň beýik depä 29 gezek çykan Pasang Dawa Şerpa gelýär. Ol şu ýazky möwsümde iki gezek çykdy.
Ewereste ilkinji gezek üstünlikli çykylandan bäri geçen 72 ýylyň içinde müňlerçe alpinist bu depä çykyp, dürli rekordlar goýdy. Bu hem daga bolan gyzyklanmany artdyrdy.
Şu ýyl täze rekordlara dalaş edýänleriň arasynda Taşi Gýaljen Şerpa bar. Ol Jomolungma 20 günde dört gezek çykmagy meýilleşdirdi.
Häzire çenli Ewereste 8 müňden gowrak adam çykdy.
