Realme GT 7 telefondaky iň uzak kinoseans üçin Ginnesiň rekordlar kitabyna girizildi

  • 26.05.2025 22:39
  • 3.3k+

«Realme GT 7» smartfony Ginnesiň rekordlar kitabyna girizildi. Ol mobil enjamda iň uzak wagt film görkezmek boýunça rekord goýdy – 24 sagat. Bu üstünlik Ginnesiň resmi wekili tarapyndan hasaba alyndy.

«Realme» bu rekordyň 7000 mA·sag sygymly batareýanyň we 120Wt güýçli tiz zarýad berşiň mümkinçiligi bilen gazanylandygyny aýtdy. Batareýasy «TÜV Rheinland» tarapyndan sertifikatlaşdyrylan we 5 ýyldyz alan.
«Realme GT 7» we «GT 7T» smartfonlarynyň halkara tanyşdyrylyşy 2025-nji ýylyň 27-nji maýynda Parižde geçiriler. Global wersiýasy Hytaý wersiýasyndan tapawutly bolar. Onda «MediaTek Dimensity 9400e» çibi ornaşdyrylar, Hytaý wersiýasynda bolsa «Dimensity 9400+» ulanylýar. Şeýle-de halkara wersiýasynyň batareýasynyň sygymy 7000 mA·sag, Hytaý wersiýasynda bolsa 7200 mA·sag. Smartfon 7,5 Wt ters zarýad bermegi hem goldaýar.
Enjamyň kamerasy esasy «Sony IMX906» sensor, 112° giňburçly obýektiw we 32 megapiksel öňdäki kamera bilen enjamlaşdyrylan. Öňdäki kamera 4K çözgütde sekuntda 120 kadrda wideo düşürmäge ukyply.


24.06.2025 18:51
4.9k+

Hideo Kodzima Ginnesiň rekordlar kitaby tarapyndan dünýäniň iň meşhur geýmdizaýneri diýlip ykrar edildi

Ýaponiýaly geýmdizaýner we režissýor Hideo Kodzima iň meşhur oýun režissýory hökmünde Ginnesiň rekordlar kitabyna girizildi. Bu barada ýapon teleýaýlymlarynyň birinde berlen tok-şouwyň göni ýaýlymynda habar berildi...

24.06.2025 00:22
7.6k+

Hytaýda 11 787 sany dron ulanylyp geçirilen şüweleň Ginnesiň rekordlar kitabyna girdi

Hytaýyň Çuňsin şäherinde dünýäde iň uly dronly ýagtylyk şüweleňi geçirildi. 17-nji iýunda Ýanszy derýasynyň üstünde bir wagtyň özünde 11 787 dron asmana galdy — bu görkeziji öňki dünýä rekordyny (10 197 dron) täzeledi...

17.06.2025 18:50
6.9k+

39 ýaşly lemur Ginnesiň rekordlar kitabyna girdi: ýabany tebigatda olar 20 ýyldan köp ýaşamaýar

15-nji iýunda Stampi atly alabeder guýrukly lemur 39 ýaşyny belledi we resmi taýdan erkinlikde ýaşamaýan iň garry lemur diýlip ykrar edildi. Ol Ginnesiň rekordlar kitabyna girdi. Stampi 1986-njy ýylda Surreý graflygynda (Beýik Britaniýa) dünýä indi, soňra Şotlandiýa getirildi...

17.06.2025 13:11
2.3k+

«Summer Game Fest 2025-e» rekord 50 million gezek tomaşa edildi

Summer Game Fest 2025-iň açylyş dabarasy 50 milliondan gowrak gezek görüldi – bu şüweleňiň taryhyndaky iň ýokary görkeziji boldy. Bu barada dabaranyň prodýuseri we alyp baryjysy Jeff Kili habar berdi. StreamsCharts maglumatlaryna görä, dabarany bir wagtda gören tomaşaçylaryň iň köp sany 3 milliondan geçdi, bu bolsa 2024-nji ýyldaky bilen deňeşdirilende 89% köpdür...