ABŞ-nyň milli ýygyndysy hokkeý boýunça dünýä çempionatynda ýeňiji boldy. Şu ýyl ýaryşy Şwesiýa we Daniýa kabul etdi.
Stokgolmda geçirilen final oýnunda amerikalylar Şweýsariýanyň toparyny owertaýmda 1:0 hasabynda utdy. Amerikan ýygyndysyna ýeňiş gazanmaga hüjümçi Teýj Tompsonyň takyk urgusy kömek etdi.
Ilkinji gezek ABŞ dünýä birinjiliginde 1933-nji ýylda ýeňiş gazanypdy. Resmi taýdan olar 1960-njy ýylyň hem dünýä çempionlary diýlip ykrar edildi – şol wagt ýaryş Olimpiýa oýunlary bilen utgaşdyryldy (final oýny bolmady). Şeýle-de, 9 gezek amerikaly hokkeýçiler ýaryşyň kümüş baýragynyň eýesi boldy (soňky gezek 1950-nji ýylda).
Şweýsariýa finalda 2013-nji ýyldan bäri dördünji gezek we yzygider ikinji gezek oýnady, ýöne ýaryşda ýeňiji bolmak bir gezek hem başartmady.
Bürünç medal üçin oýunda şwesiýalylar 6:2 hasabynda Daniýa toparyny utdy.
Hokkeý boýunça dünýä çempionaty 1920-nji ýyldan bäri geçirilýär, 1930-njy ýyldan bäri ýaryş her ýyl geçýär. Ýeňiş sany boýunça rekord altyn medaly 28 gezek alan Kanadanyň milli ýygyndysyna degişlidir. Bu görkeziji boýunça üçlügi Russiýanyň (22 – SSSR, 5 – Russiýa) we Çehiýanyň toparlary (7 – Çehiýa, 6 – Çehoslowakiýa) jemleýär.
