Meizu global onlaýn tanyşdyrylyş dabarasyny geçirip, birnäçe täze smartfonyny we dakylýan gurluşlaryny, şol sanda AR äýnegini we smart-ýüzügini hödürledi. Gurluşlaryň ählisi emeli aň ulgamyny işjeň ulanmak bilen döredildi.
Meizu Mblu 22 smartfony 90 Gs täzelenme ýygylygy bilen 6,79 dýuýmlyk HD+ displeýine eýe boldy. Sekiz ýadroly prosessor we 12 GB çenli giňeltme bilen 4 GB operatiw ýat smartfonyň durnukly işlemegini üpjün edýär. 5000 mA/sag akkumulýator bolsa günüň dowamynda awtonomlygy kepillendirýär. f/1.8 diafragmaly kamera aýdyň suratlary döredýär. Gurluşyň bahasy sebite baglylykda 79 dollardan 89 dollar aralygynda üýtgeýär.
Meizu Mblu 22 Pro smartfony Titan Shield arhitekturasyna esaslanyp, berkligi we uzak möhletleýin hyzmaty wada berýär. MediaTek Helio G81 prosessory we 16 GB çenli giňeltme bilen 8 GB operatiw ýat islendik ýumuşdan baş çykarýar. Smartfon 120 Gs ýygylykly 6,79 dýuým Full HD+ displeýine, 2 Mp makrodatçikli 50 Mp kamera we 5000 mA/sag akkumulýatora eýe boldy. Bahasy - $99-$129.
Meizu Note 22 üç kamera (108 Mp, 8 Mp ultra giňburçly, 2 Mp portret) we 32 Mp frontal kamera bilen üpjün edildi. 16 GB çenli giňeldip boljak 8 GB ýat bilen MediaTek Helio G99 prosessory oýunlary we programmalary göterýär. Gurluş 120 Gs ýygylykly 6,78 dýuým AMOLED displeýine eýe boldy we 40 Wt çalt zarýad alşy goldaýar. IP54 reýtingli we Titan Shield arhitekturaly korpus ygtybarlylygy üpjün edýär. Bahasy - $179-$299.
Meizu Note 22 5G smartfony Titan Shield çarçuwasyna we IP65 goragyna eýe boldy. Displeý – 120 Gs bilen 6,78 dýuým. Şeýle-de, 50 Mp sensor bilen üç kamera, işjeň ulanmazdan 48 güne çenli işlemäge mümkinçilik berýän we 40 Wt zarýad almagy goldaýan 6600 mA/sag akkumulýator bar. Baha - $169-$229.
Meizu Note 22 Pro 5G flagmany Snapdragon 7s Gen 3 prosessoryny we 28 GB çenli giňeldip boljak 16 GB ýady aldy. Displeý 1,5K durulyk we 144 Gs ýygylyk bilen 6,78 dýuým boldy. Kamera – 50 Mp, akkumulýator – 80 Wt zarýad bilen 6200 mA/sag. IP68 reýtingli korpus 1,8 m beýiklikden gaçmaga çydap biler. Bahasy - $299-$369.
Meizu StarV View AR äýneginiň agramy 74 g bolup, maýyşgak sapy sebäpli rahatlygy üpjün edýär. Ol şekili 120 Gs ýygylygy we 700 kd/m2 çenli ýagtylygy bolan 188 dýuýmlyk ekranda ýaly görkezýär. Äýnek jaň wagty sesi basyp ýatyrmagy goldaýar.
Meizu StarV Ring2 akylly ýüzügi ukyny, stress derejesini, gandaky kislorody, temperaturany we maşklary yzarlap, giperglikemiýa töwekgelçiligine baha berýär. IP68 goragly keramiki korpus türgenleşik we suwda ýüzmek üçin laýyk gelýär. Gurluş Flyme OS funksiýalaryny dolandyrýar we 15 güne çenli işleýär.
