Disney studiýasy “Melgun Prada geýýär” (Дьявол носит Prada) filminiň dowamynyň üstünde işleýär. Variety žurnalynyň habar bermegine görä, filmiň premýerasy 2026-njy ýylyň 1-nji maýyna meýilleşdirildi.
Aktýorlar düzümi heniz belli däl. 2022-nji ýylda aktrisa Enn Heteueý filmiň dowam etmeginiň mümkindigine şübhe bildiripdi, ýöne şeýle taslamanyň “özüne çekijidigini” aýtdy.
Asyl film 2006-njy ýylda çykdy. Ol Loren Waýsbergeriň adybir romany boýunça düşürilip, ýazyjynyň öňdebaryjy moda žurnallarynyň birinde baş redaktoryň kömekçisi hökmünde iş tejribesine esaslanýar. Film dünýä prokatynda 326 mln dollardan gowrak girdeji gazandy.
