15 ýyllygy mynasybetli geçirilen tanyşdyrylyş dabarasynda Xiaomi özüniň ilkinji elektrik krossowerini – YU 7-ni hödürledi.
Awtomobiliň tigir bazasy 300 sm, göwrümi – 499,9×199,6×160,8 sm. Gapy tutarlary awtomobiliň korpusyna ýygnanýar. Täze Xiaomi 15s Pro smartfonyna gurnalan UWB tehnologiýasynyň kömegi bilen bolsa, gapylaryň gulpuny uzak aralykdan dolandyrmak bolýar.
Salonda HyperVision panorama displeýi oturdyldy we ol öňdäki aýnany tutuş eýeleýär diýen ýaly. Ol adaty enjam panelini çalşyp, awtomobil barada maglumatlary görkezýär. Şeýle-de, Tesla-nyň stilinde merkezi ekran göz öňünde tutuldy we onuň üsti bilen nawigasiýany, aýdym-sazy dolandyrmak bolýar.
Esasy wersiýada YU 7 krossoweri 235 kWt kuwwatly Xiaomi V6s Plus elektrik hereketlendirijisi bilen enjamlaşdyryldy. Ulagyň bir zarýadda geçýän ýoly 800 km barabar. Doly herekete getirijili wersiýada umumy kuwwaty 508 kWt bolan iki hereketlendiriji bar, onuň geçýän ýoly 750 km bilen çäklenýär.
Awtomobiliň iň ýokary tizligi sagatda 253 km ýetýär. 100 km/sag çenli tizligi artdyrma, wersiýa baglylykda, 3,23 sekuntdan 5,88 sekunta çenli wagt alýar.
Awtomobil üç reňkde elýeterli bolar. Satuw iýul aýynda başlaýar. Krossoweriň bahasy heniz belli däl.
