Apple kompaniýasy wintaž (könelip barýan) we könelen gurluşlaryň sanawyny täzeledi. Indi birinji sanawa iPhone 7 Plus-yň ähli wersiýalary, şeýle-de 64 GB we 256 GB ýatly iPhone 8 girdi. 128 GB iPhone 8 we iPhone 8 Plus-yň ählisi, diňe (Product) Red wersiýasyndan daşary, häzirlikçe bu sanawa girmedi.
“Wintaž” sanawyna bäş ýyldan gowrak wagt ozal önümçilikden aýrylan gurluşlar girýär. Apple firma we ygtyýarly hyzmat merkezlerinde şeýle gajetler üçin gerekli şaýlaryň we olary bejermek mümkinçiliginiň barlygyny kepillendirmeýär.
Indi iPhone-yň şeýle sanawynda şu aşakdakylar bar:
- iPhone 4 (8 GB),
- iPhone 5,
- iPhone 6s (16/64/128 GB),
- iPhone 6s Plus,
- iPhone SE,
- iPhone 7 Plus,
- iPhone 8 (64/256 GB),
- iPhone 8 (Product) Red,
- iPhone 8 Plus (Product) Red,
- iPhone X,
- iPhone XS Max.
Mundan başga-da, könelenleriň sanawyna iPad Air 2 we iPad mini 2 planşetleri goşuldy. Eger gajetler ýedi ýyldan gowrak wagt ozal çykmagyny bes eden bolsa, könelen adyny alýar. Mundan beýläk olar üçin resmi hyzmat mümkin däldir.
