Ýewropada sekizinji nesil Lexus ES ulagynyň premýerasy boldy. Täze wersiýa ozal Demirgazyk Amerikada hödürlenen modelden tapawutlanýar.
Ýewropa bazary üçin niýetlenen model gibrid we doly elektrik görnüşlerde elýeterli bolar. Günbatar Ýewropa ýurtlarynda Lexus ES 300h hödürlener – bu 198 at güýjüni berýän 2,5 litrlik hereketlendirijä esaslanýan gibrid görnüşdir. Ol öňdäki ýa-da yzky herekete getiriji bilen elýeterli bolar.
Gündogar Ýewropa üçin şol bir 2,5 litrlik hereketlendiriji, ýöne 244 at güýji bilen has kuwwatly Lexus ES 350h niýetlenýär.
Şeýle-de, hatara iki elektrik görnüş girýär: öňdäki ýörediji bilen 221 a.g. kuwwatly ES 350e hem-de doly herekete getirijili we 338 a.g. kuwwatly ES 500e. Elektrik modelleriň geçýän ýoly WLTP sikli boýunça 530 km ýetýär.
Awtomobiliň daşky görnüşi Clean Tech x Elegance stilinde ýerine ýetirildi – süýnmek görnüşli kuzow, görünmeýän diýen ýaly gapy tutarlary we yşyk diodly çyralar.
Interýer minimalistik bezeg bilen tapawutlanýar: 12,3 dýuýmlyk sanly enjam paneli, uly mediaulgam ekrany, 17 dinamikli Mark Levinson audioulgamy we has rahat oturgyçlar.
Bahalar we satuwyň başlanjak senesi gijräk yglan ediler.
