Kwentin Tarantino we žurnalist Jeý Glenni režissýoryň meşhur filmleriniň döreýşi bilen baglanyşykly birnäçe kitap taýýarlaýarlar. Deadline neşiriniň habar bermegine görä, Tarantino olara giriş sözlerini ýazar.
Tapgyryň ilkinji kitaby "The Making of Quentin Tarantinoʼs Once Upon a Time… in Hollywood" diýlip atlandyrylar. Ol “Bir gezek… Golliwudda” filminiň surata düşürilişine bagyşlanýar we şu ýylyň 11-nji noýabrynda çykar.
Maglumatyň doly bolmagy üçin Jeý Glenni Bred Pitt we Margo Robbi ýaly baş keşplerde oýnaýan aktýorlar bilen söhbetdeş boldy. Bu kitaba sahnanyň aňyrsynda bolup geçen wakalar barada täze gyzykly maglumatlary girizmäge mümkinçilik berdi.
Ondan soňky iki kitapda "Biabraý haramzadalar" («Бесславные ублюдки») we "Azat edilen Jango" («Джанго освобождённый») filmleriniň döredilişi barada gürrüň berler. Olary degişlilikde 2026-njy we 2027-nji ýyllarda neşir etmek meýilleşdirilýär.
