GPT-4 emeli aňy onlaýn çekişmelerde adamlaryň 64%-inden has ynandyryjy bolup çykdy

  • 23.05.2025 11:05
  • 1.2k+

GPT-4 neýrotory onlaýn çekişmelerde, aýratyn-da, garşydaşyň şahsy maglumatlary ulanylanda adamlaryň özündenem has ynandyryjy bolup çykdy. Şweýsariýanyň Lozanna şäherindäki Federal politehniki mekdebiň mugallymy Robert Uestiň ýolbaşçylygynda, şweýsariýaly, italiýaly we amerikaly alymlar topary şeýle netijä geldiler. Bu barada geçirilen barlagyň netijeleri «Nature Human Behaviour» žurnalynda çap edildi.

Emeli aň jemgyýetçilik-syýasy temalardaky çekişmelerde garşydaşlaryna 64% has ynandyryjy jogap bermägi başardy.
Bu synag emeli aňyň jemgyýetçilik pikirlerine täsir edip bilmeginiň howplaryny öwrenmek taslamasynyň çäginde geçirildi. Synaga ABŞ-dan tötänleýin saýlanan 900 adam gatnaşdy. Olar bilen bitarap ýa-da jedelli temalarda çekeleşikler geçirildi. Tapgyrlaryň käbirinde olaryň garşydaşy beýleki gatnaşyjylardy, başga bir tapgyrda bolsa – GPT-4. Käwagt gatnaşyjylara garşydaşynyň pikirleri we islegleri bilen baglanyşykly käbir maglumatlar hem berilýärdi.
Çekişmelere gatnaşyjylar özlerine berlen pozisiýany goramalydy we garşydaşynyň adamdygyny ýa-da emeli aňdygyny çaklamalydy. Netijelere görä, eger GPT-4 garşydaşynyň şahsy pikirleri barada maglumat alsa, çekişmeleriň 64%-ini ýeňýärdi. Bu bolsa onuň garşydaşa täsir ýetiriş ukybyny has-da güýçlendirýärdi.
Alymlaryň bellemegine görä, emeli aň arkaly adamlaryň pikirlerine we hereketlerine täsir ýetirmek ugrundaky synanyşyklar aýratyn howp döredýär. Şonuň üçin hem onlaýn çekişmeler platformalaryny taýýarlamakda bu töwekgelçilikler hökmanylykda göz öňünde tutulmaly.


düýn 19:32
515

Windows 11-de Notepad jedwel goldawyny aldy we köpugurly boldy

Windows 11-de Notepad («Bloknot») programmasy jedweller goldawyny we olary soňrakky redaktirlemek mümkinçiligini aldy. Programma öz mümkinçiliklerini ep-esli giňeltdi, şol sanda kämilleşdirilen emeli aň gurallary hem goşuldy...

28.11.2025 12:06
2.7k+

Gemini «Google Kartalaryň» ähli hereket režimlerinde elýeterli boldy

Google «Google Kartalarda» ýöriteleşdirilen täze nawigasiýa ulgamyny giňden ornaşdyryp başlady. Indi goşundy awtoulag, pyýada, welosiped hem-de şäher jemgyýetçilik ulag ugruny görkezýän ähli režimlerde emeli aň tehnologiýasy Gemini-ni ulanar diýip, 9to5Google ýazýar...

28.11.2025 11:28
1.3k+

OpenAI öz emeli aňy oturdylan enjamlarynyň ilkinji nusgalaryny döretdi

OpenAI kompaniýasy özüniň emeli aň bilen işleýän enjamlarynyň ilkinji prototiplerini taýýarlady. Bu barada kompaniýanyň baş direktory Sem Altman Apple-iň öňki baş dizaýneri Joni Aýw we Apple-iň merhum baş direktory Stiw Jobsuň aýaly Loren Pauell Jobs bilen söhbetdeşlikde mälim etdi diýip, CNBC habar berýär...

23.11.2025 01:01
4.6k+

Pol Makkartni aýdym-sazda emeli aňyň ulanylmagyna garşylyk hökmünde sessiz trek ýazga geçirdi

Öňki The Beatles toparynyň agzasy Pol Makkartni sözsüz we sazsyz, dowamlylygy 2 minut 45 sekunt bolan trek ýazga geçirdi (ýa-da döretdi). Şeýlelik bilen, sazanda ýewropaly kärdeşlerine goşulyp, aýdym-saz pudagynda emeli aňyň (EA) ulanylmagyna garşylyk bildirdi diýip, The Guardian ýazýar...