Linus Tech Tips You-Tube kanaly “pi” sanyny hasaplamak boýunça dünýä rekordyny goýdy, oturdan soň 300000000000000 (300 trln) sifr kesgitlendi.
Taslama 2024-nji ýylyň tomsunda başlandy. Topar Kioxia ýapon kompaniýasy bilen bilelikde superkompýuter ýygnady. Onda 30,72 we 15,36 TB göwrümli CM we CD seriýaly KIOXIA SSD diskleri ulanyldy. Olaryň umumy sygymy 2,2 PB boldy.
Hasaplamak üçin iki AMD EPYC prosessorly, 4 TB operatiw ýatly we NVMe diskleri üçin 8 slotly serwer ulanyldy. Kompýuter sekuntda 100 Gbit tizlikli Ethernet toruna birikdildi.
Enjamlar, elektrik energiýasy we kärende bilen birlikde taslamanyň bahasy 1 mln dollar boldy.
Hasaplama häzirki iň günde iň netijeli hasaplanýan Çudnowskiniň algoritmi boýunça geçirildi. 2024-nji ýylyň tomsunda proses maglumat merkezindäki bökdençlikler we enjamlaryň aşa gyzmagy sebäpli iki gezek togtadyldy. Sowadyş ulgamy täzelenenden soň işler sentýabr aýynda gaýtadan dikeldildi we ýedi aýdan gowrak dowam etdi. Energiýanyň iň ýokary sarp edilişi 20 kWt boldy. Umuman, 105 MWt/sag energiýa harç edildi. Netijede, elektrik energiýasy üçin hasap 15 000 dollar boldy.
Netije 2025-nji ýylyň 2-nji aprelinde Ginnesiň rekordlar kitabynda tassyklandy. Öňki rekord – 62 trln sifr – Google Cloud-a degişlidi (2019-njy ýyl). 300 trillionynjy sifr “5” boldy.
Bellenilişi ýaly, tutuş netijäni çap etmek üçin, takmynan, 11,7 mlrd A4 kagyzy gerek bolardy. Topar maglumatlary bir faýlda saklamagy we köpçülige elýeterli etmegi meýilleşdirýär.
Kanalyň awtorlary Laýnusyň we Jeýkiň aýtmagyna görä, rekord uzak saklanmasa gerek. Häzir olar täze taslamanyň – hemişelik Aperiniň has köp sanyny hasaplamagyň üstünde işleýär.
