Türkiýede ilkinji aýdym-saz ýoly açyldy. Ol Ankara bilen Eskişehiriň arasyndaky awtoulag ýolunda ýerleşýär. Bu ýol böleginiň üstünden bellibir tizlik bilen hereket edilende, awtomobiliň tigirleri Wolfgang Amadeý Mosartyň “Türk marşy” (Rondo alla turca) sazyny “çalyp başlaýar”.
Ses ýoluň üstündäki ýörite bellikleriň we çuňluklaryň netijesinde ýüze çykýar. Haçan-da awtomobiliň tigirleri olara degip geçende, wibrasiýalar döreýär. Olar hem owadan saza öwrülýär.
Taslama diňe bir estetiki täsiri döretmek üçin durmuşa geçirilmedi. Onuň esasy maksady ýol howpsuzlygyny ýokarlandyrmakdan ybarat. Sazy doly eşitmek üçin sürüji maslahat berilýän tizligi saklamaly. Bu has ünsli we seresaply sürmäge ýardam edýär.
Häkimiýetler üstünlikli bolan ýagdaýynda şeýle ýol bölekleriniň ýurduň beýleki sebitlerinde hem peýda bolup biljekdigini belledi.
