HBO Max “Ol: Derrä hoş geldiňiz” (Оно: Добро пожаловать в Дерри) serialynyň – “Ol” filminiň prikweliniň ilkinji tizer-treýlerini hödürledi. Onuň premýerasynyň güýzde bolmagyna garaşylýar.
Serialyň wakalary režissýor Endi Muskettiniň Stiwen Kingiň romanyna esaslanan filmlerindäki wakalardan 27 ýyl öň bolup geçýär. Sýužet boýunça, Ol atly elhenç zat gorkudan iýmitlenýär we 27 ýylda bir gezek çagalara hüjüm edýär. Serial tomaşaçylara belli bolan wakalardan öň bolup geçen öňki ölümleri görkezer.
“Bu biziň söýýän kitabymyz we biz heniz gürrüň bermeli wakanyň köpdügini duýduk. Ol personažlara we wakalara şeýle bir baý welin, biz kitaba we bu dünýä gaýdyp gelen muşdaklara hormat goýmagy makul bildik. Hususan-da, biz Maýk Henlonyň öz derňewlerine esaslanan we şäherdäki garry adamlar bilen söhbetdeşlikleri öz içine alan ýazgylarynyň taryhyny gürrüň berýäris. “Derrä hoş geldiňiz” serialynda biz filmde gürrüňi edilen adaty dostluk, ýitgi, bir ynanjyň güýji ýaly temalara degip geçýäris – ýöne bu waka gorkynyň ýarag hökmünde ulanylmagyna hem ünsi çekýär, bu bolsa biziň döwrümizde iň ýörgünli zatlaryň biridir” – diýip, taslamany dörediji Endi Musketti we onuň aýal dogany Barbara Musketti Entertainment Weekly bilen söhbetdeşlikde aýtdy.
Bill Skarsgard ýene-de masgarabaz Penniwaýzyň keşbini ýerine ýetirer. Şeýle-de, aktýorlar düzümine Teýlor Peýj, Jowan Adepo, Kris Çok, Jeýms Remar, Stiwen Raýder, Madlen Stou we Rudi Mankuzo girdi.
