Huawei kompaniýasy Hytaýda Nova 14 smartfon hataryny hödürledi. Hatara esasy model bilen birlikde Pro we Ultra wersiýalary girdi.
Smartfonlaryň ählisi Harmony OS 5 operasion ulgamynda işleýär we emeli aň funksiýalaryny goldaýar. Şeýle-de, BeiDou ulgamy arkaly ikitaraplaýyn hemra aragatnaşygy göz öňünde tutuldy.
Esasy Huawei Nova 14 durulygy 2412x1084 piksel we täzelenme ýygylygy 120 Gs çenli bolan tekiz 6,7 dýuýmlyk displeýe eýe boldy. Pro modeli 2776×1224 piksel durulykda 6,78 dýuýmlyk egri ekran we 120 GS çenli täzelenme ýygylyny goldaýan LTPO tehnologiýasy bilen üpjün edildi.
Öndüriji prosessorlaryň takyk aýratynlyklary barada maglumat bermedi, ýöne ähli modelleriň ýokary öndürijiligini belledi. Smartfonlar Celia ses kömekçisini we surat redaktirlemek üçin EA gurallaryny goldaýar. Olaryň arasynda obýektleri aýyrmak üçin “EA bozgujy” we portretleri işlemek režimi bar.
Esasy wersiýada kamera – 50 Mp, 12 Mp teleobýektiw we 8 Mp ultra giňburçly modul. Frontal kamera – 50 Mp.
Nova 14 Pro-nyň hem esasy kamerasy üýtgeýän diafragmaly we optiki durnuklaşdyrma bilen 50 Mp boldy. Şeýle-de, 12 Mp teleobýektiw, 8 Mp ultra giňburçly modul we has takyk reňk üçin 1,5 Mp Maple Color sensory bar. Frontal kamera – 8 Mp modul we bäş esse zum bilen 50 Mp.
Modelleriň ikisi-de 100 Wt çalt zarýad alyş bilen 5500 mA/sag sygymly akkumulýatora eýe boldy.
Ultra modeli aýratynlyklary boýunça Pro wersiýasyna ýakyn, ýöne 6,81 dýuýmlyk displeýi we 50 Mp periskopik obýektiwi bilen tapawutlanýar. Şeýle-de, Wi-Fi 7+ goldawy bar.
Hytaýda bahalar: Nova 14 – 2699 ýuandan ($375), Pro – 3499 ýuandan ($485), Ultra – 4199 ýuandan ($580) başlaýar.
