Similarweb-iň reýtingine görä, chatgpt.com dünýäde iň köp girilýän saýtlaryň arasynda 5-nji orny eýeledi. Ulanyjylar bu saýtda ortaça 7 minutdan gowrak wagt sarp edýärler we her zyýaratda 4-den gowrak sahypa girýärler.
Birinji orunda Google-yň gözleg hyzmaty durýar – ulanyjylar bu saýtda ortaça 10,5 minut wagt sarp edýärler we 9 sahypa girýärler. Ýöne bir sahypa açyp, soňra sahypany ýapýanlaryň sany hem az däl – her dört adamyň biri şeýle edýär. Ikinji orunda bolsa, 20 minutlyk zyýarat we 13 sahypa bilen YouTube ýerleşýär.
Facebook we Instagram sosial torlary, degişlilikde, 3-nji we 4-nji orunda ýerleşýär. ChatGPT bu sosial torlara garanyňda ulanyjy bilen geçirilen wagt we sahypa sany boýunça birneme yza galýar. Muňa garamazdan, ulanyjylaryň sahypadan çalt çykyp gitme derejesi boýunça ol has gowy – ChatGPT üçin bu görkeziji – 29,59%, Facebook üçin – 29,78%, Instagram üçin bolsa – 33,12%.
ChatGPT uzak wagt bäri ilkinji bäşlikde ýerleşip gelýär. Fewralda 3,9 milliard gezek zyýarat edilip, ilkinji gezek Ilon Maskyň X.com sosial toruny geçdi. Sosial torlaryň trafiginiň köp bölegini mobil enjamlar düzýär, ChatGPT bolsa, esasan, kompýuterler arkaly köplenç iş günlerinde ulanylýar.
ChatGPT dynç günleri has netijeli işleýär, sebäbi şol günler ulanyjy sany az bolýar. Şeýle-de ChatGPT ulanýanlaryň köpüsi beýleki emeli aň gurallaryndan peýdalanmaýar.
