Marionyň başdangeçirmeleri baradaky täze animasion film 2026-njy ýylyň 3-nji aprelinde prokata çykar. Illumination we Nintendo studiýalary Super Mario World adyny alyp biljek täze taslamanyň üstünde işleýär diýip, NBC habar berýär.
Taslama barada NBCUniversal Upfront 2025–2026 tanyşdyrylyşynda belli boldy. Universal Pictures Super Mario World taslamasyny geljekki relizleriň sanawyna goşdy. Multfilmiň ady heniz resmi taýdan tassyklanmasa-da, ol ozal Toada ses beren Kigen-Maýkl Kiniň Mario älemini giňeltmek konsepsiýasy baradaky aýdanlaryna gabat gelýär. Ol filmiň dowamynyň göwrümli boljakdygyny aýdypdy. Sýužetde tanyş gahrymanlaryň, şeýle-de Kömelek şalygynyň dünýäsinde täze ýerleriň we başdangeçirmeleriň bolmagyna garaşylýar.
Täze multfilmi döretmek işine prodýuserler Kris Meledandri we Sigeru Miýamoto, režissýorlar Aaron Gorat we Maýkl Jelenik hem-de ssenariçi Mettýu Fogel gaýdyp geldi.
Döredijiler birinji filmiň däplerini dowam etdirjek ýiti we gyzykly wakany wada berýär.
2023-nji ýylda çykan “Doganlar Super Mario kinoda” multfilmi dünýä prokatynda 1,3 mlrd dollardan gowrak girdeji ýygnady. Ol iň girdejili oýun ekranlaşdyrmasy boldy we taryhda iň üstünlikli animasion filmleriň arasynda üçünji orny eýeledi.
