HBO “Ýedi şalygyň rysary” (Рыцарь семи королевств) serialynyň premýerasyny 2026-njy ýylyň başyna süýşürdi. Ilkibaşda “Tagtlaryň oýny” (Игра престолов) serialynyň prikweli şu güýzde çykmalydy diýip, Variety belleýär.
Kompaniýa munuň sebäbini aýtmady we diňe onuň indiki gyşda çykjakdygyny habar berdi. Serialyň surata düşürilişi geçen güýzde tamamlandy we ähtimal, döredijilere önümçilikden soňky işler üçin has köp wagt gerek bolandyr. Häzir topar taslamanyň dowamynyň üstünde işleýär.
Serial Jorj Martiniň “Dunk we Egg barada powestler” kitaplaryna esaslanýar. Waka rysar Syrdam Dunkan we onuň ýarag göterijisi Eýegon Targarien, Ýedi şalygyň geljekki patyşasy barada gürrüň berer. Waka “Tagtlaryň oýnundaky” wakalardan 90 ýyl öň bolup geçýär.
Dunkuň keşbini “Heläkçilik” serialy bilen tanalýan Piter Kleffi, Eýegonyň keşbini bolsa “Aç oýunlar: Ýylanlar we saýrak guşlar barada ballada” filmine gatnaşan Dekster Sol Ansell ýerine ýetirer.
