Maýkl B. Jordanyň oýnamagyndaky “Krid” trilogiýasynyň serial görnüşinde dowamy surata düşüriler. Prime Video akym hyzmaty “Delfi” atly täze taslamany bildiriş etdi diýip, Variety habar berýär.
Serialyň sýužeti doly göwrümli “Krid” filmlerinden belli bolan Delphi sport zalynda türgenleşik geçýän ýaş boksçylara bagyşlanar. Marko Ramires (“Goragçylar”, “Garadangaýtmaz”) taslamanyň şourannerligine bellendi. Aktýor Maýkl B. Jordan serialyň prodýuseri bolup çykyş eder.
Çykjak senesi we aktýorlar düzümi barada entek maglumat ýok.
“Krid” franşizasy Silwester Stallonyň oýnamagyndaky “Rokki” kult serialynyň dowamydyr. Krid baradaky ilkinji film 2015-nji ýylda surata düşürilipdi, onuň yzyndan iki sikweli surata düşürildi. Trilogiýa dünýäde 663 million dollar gazandy.
Mundan başga-da, 2022-nji ýylda MGM studiýasy “Rokki” älemini giňeltjek, Dolf Lundgreniň baş keşbi janlandyrmagynda “Dragonyň" doly göwrümli şahasyny döredip başlady.
