Prime Video akym hyzmaty “Möý adam: Nuar” (Человек-паук: Нуар) serialynyň ilkinji tizerini hödürledi. Serialda baş keşbi ozal “Möý adam: Älemiň üsti bilen” (Человек-паук: Через вселенные) multfilminde bu gahrymana ses beren Nikolas Keýj ýerine ýetirdi.
Serialyň wakasy 1930-njy ýyllarda Nýu-Ýorkda bolup geçýär. Baş gahryman, Nuar lakamly hususy aňtawçy jenaýat bilen göreşýär.
Şeýle-de, bu taslama aktýorlar Lamorn Morris, Brendan Glison we Jek Hýuston gatnaşdy. Birnäçe bölümiň režissýory bolup “Flibeg” serialy bilen tanalýan Garri Bredbir çykyş etdi. Şourannerler Oren Uzil (Jamp Strit, 21 / Мачо и ботан) we Stiw Laýtfut (“Jezalandyryjy” / Каратель) boldy. Prodýuserlik bilen Fil Lord, Kristofer Miller we Emi Paskal meşgullanýar.
Serialyň premýerasy 2026-njy ýyla meýilleşdirilýär. Tomaşaçylar oňa Prime Video platformasynda iki görnüşde: gara-ak we reňkli görnüşlerde tomaşa edip biler.
