"Minecraft kinoda" (“Minecraft в кино”) filmi 13-nji maýda onlaýn ýagdaýda görkeziler. Bu barada Warner Bros studiýasyna salgylanýan WhenToStream portaly habar berdi.
Filmiň sýužeti hyýaly inedördül dünýä düşýän dört gahrymanyň töwereginde ýaýbaňýar. Öýlerine dolanyp barmak üçin olar Stiw atly ussat bilen jadyly başdan geçirmeleriň içinden geçmeli bolýarlar.
Filmde Jeýson Momoa, Jek Blek, Jennifer Kulij, Daniel Bruks, Emma Maýers we başgalar surata düşdüler. Filmiň režissýory Jared Hess.
Film aprel aýynyň başynda dünýäde ýaýradyldy. Altynjy dynç günlerinde film ýene 8 million gazanyp, kassa ýygymynda üçünji orny eýeledi. Jemi ýygym eýýäm 909 million dollardan geçdi.
Meşhur wideo oýnuň ekranlaşdyrylan görnüşi soňky ýyllarda kassa ýygymlary boýunça marweliň super gahrymanly filmleriniň köpüsinden öňe geçip, şowly boldy. Şeýle-de bolsa, “Minecraft” başga bir wideo oýnuň ekranlaşdyrylan görnüşiniň - 2023-nji ýylda 1,4 milliard dollardan gowrak girdeji gazanan meşhur “Doganlar Super Mario kinoda” (“Братья Супер Марио в кино”) animasiýa filminiň derejesine ýetip bilmedi.
Kassa ýygymy boýunça häzir “Gök gürrüldedijiler” (“Громовержцы”) öňde barýar, onuň umumy kassa ýygymy 272 million dollardan geçýär. Raýan Kugleriň “Günälileri” (“Грешники”) hem 200 million dollar gazanyp, ilkinji üçlige girdi.
