Puertorikoly repçi Bad Bunny-nyň Ýewropa boýunça konsert syýahaty üçin petek satuwy tizlik rekordyny goýýar. Madridde uly isleg sebäpli Metropolitano stadionynda konsertleriň sanyny ona ýetirmeli boldy. Petek üçin 300 müňden gowrak adam nobata durdy diýip, El Mundo habar berýär.
Debí Tirar Más Fotos konsert syýahaty 2026-njy ýylyň 30-njy maýyndan 15-nji iýuny aralygynda geçiriler.
Barselonada artist 22-nji we 23-nji maýda iki konsert berer. Olaryň her biri 50 – 55 müň tomaşaçyny özüne çeker. Guramaçylar ýene konsert goşmak mümkinçiligini gözden geçirýär.
Ýewropanyň beýleki ýurtlarynda petekler birnäçe minutda satylyp gutardy diýip, De Último Minuto habar berýär. Polşada satuw 24 minutda, Germaniýada – 30, Belgiýada – 35, Şwesiýada bolsa 45 minutda ýapyldy. Fransiýada petekler üçin wirtual nobat 500 müň adama ýetdi.
Ýokary isleg Ticketmaster we Live Nation platformalarynda bökdençlige getirdi diýip, 20minutos habar berýär. Saýtlar 8-nji maýda satuwyň başlanmagyna 15 minut galanda işlemegini bes etdi. Ulanyjylar ne kompýuterden, ne-de ykjam gurluşlardan girip bildi.
