Monsterverse älemi boýunça Godzilla we Kong baradaky täze filmi döredijiler täze tizer çykaryp, onda geljekki filmiň adyny we sýužet barada käbir maglumatlary açyp görkezdi. Film “Supernowa” (Godzilla x Kong: Supernova) goşmaça ady bilen çykar.
Filmiň adyndaky “x”, ähtimal, gahrymanlaryň gapma-garşylygyny däl-de, olaryň hyzmatdaşlygyny aňladýan bolsa gerek. Ýagny, Godzilla we Kong bilelikde täze bir howpa garşy göreşip biler.
Gysga wideo tehnikler toparynyň işleýän ýeri bolan “Monarh” desgasyny görkezýär. Işgärleriň biri gerek wagty iş ýerinde ýok – onuň kompýuterinde “Gyssagly duýduryş” ýazgysy peýda bolýar. Soňra şeýle habar çykýar: “Titany görendigiňiz barada habar bermek üçin, (240) MONARCH jaň ediň”.
Görkezilen belgi (240-666-2724) marketing kampaniýasynyň bir bölegidir. Oňa jaň etmek bilen, franşiza barada täzelikleri almak bolýar.
KHBS “Supernowa” adynyň, ähtimal, Godzillanyň başga bir görnüşini – KosmoGodzillany görkezýändigini çaklaýar. Çaklamalaryň birine görä, ol Godzillanyň kosmosa düşen öýjükleri kristal organizmler bilen birleşenden soň, ak deşikden peýda bolupdyr. Monsterverse Godzillanyň öýjükleriniň kosmosa nädip düşendigini düşündirmese-de, bu mümkinçilik aradan aýrylmaýar.
Filmiň premýerasy 2027-nji ýylyň 27-nji martyna meýilleşdirilýär. Ondan öň “Monarh: Nägehanlaryň mirasy” serialynyň ikinji möwsüminiň relizi bolar.
