«Ahyrky nokat: Gan baglanyşyklary» (Пункт назначения: Кровные узы) filminiň döredijileri dünýä rekordyny goýandyklaryny öňe sürýärler. Filmiň surata düşürilýän mahaly, 71 ýaşly kaskadýor aýal «oda berildi». Şeýlelikde, ol kameranyň öňünde «ýanan» iň garry adam boldy.
«Entertainment Weekly» bilen söhbetdeşlikde filmiň režissýorlary Zak Lipowski we Adam Steýniň aýtmagyna görä, Iwett Fergýusonyň ýerine ýetirýän keşbiniň gaty uly däldigine garamazdan, onuň gatnaşýan sahnasynyň düşürilmegi üçin örän köp wagt gerek bolupdyr.
Režissýorlar netijäniň çekilen zähmete mynasypdygyny belläp geçdiler, bölüm hakykatdanam täsirli bolupdyr. Bu üstünlik bilen bagly Ginnesiň rekordlar kitabynyň wekillerine ýüz tutupdyrlar, emma heniz olardan jogap gelmändir.
Iwett Fergýuson bolsa bu trýugyny «karýerasynda iň halan sahnalarynyň biri» hökmünde häsiýetlendirdi. Ol birnäçe ýyl bäri pensiýadadygyna garamazdan, «Ahyrky nokat» filmi üçin kararyny üýtgedip, filme gatnaşmagy kabul edipdir.
Meşhur horror franşizanyň altynjy bölümi 2025-nji ýylyň 16-njy maýynda dünýä boýunça prokata çykar.
