Hytaýyň Unitree Robotics kompaniýasy suw pürküji we öz-özüni sowadyş ulgamy bilen enjamlaşdyrylan B2 robot itiniň ýangyn söndüriji görnüşini hödürledi. Täze model Sindao şäherinde eýýäm synagdan geçirilýär.
Robot bilen esasy wersiýanyň arasyndaky esasy tapawut - robotyň arkasyna oturdylan suw pürküjiniň bolmagydyr. Ol sekuntda 40 litr kuwwat bilen pürkülýän suwy 60 metr aralyga ýetirmäge ukyply. Ujy 85 gradus aýlanmak bilen, çüwdürimiň ugruny üýtgetmäge mümkinçilik berýär. Ulgam awtomatiki usulda suwa we köpüge geçip bilýär. Robot şlanglary özbaşdak aýyrýar we dakýar, bu bolsa ýangyny dürli nokatlardan söndürmäge mümkinçilik berýär.
B2-niň korpusy suw we tozan geçirmeýär, şeýle-de ýokary temperatura çydamly. Robot ýangynyň ojagyna has ýakynlaşmaga mümkinçilik berýän öz-özüne suw sepmek ulgamy bilen enjamlaşdyrylandyr.
Inženerler aýaklarynyň hereketini gowulaşdyrdylar - gurluşyň berkligi 170% ýokarlandy. Robot 40 santimetre çenli päsgelçilikden geçip, 45 gradus eňňitli basgançaklara çykyp biler.
Modele goşmaça lidarlary, manipulýatorlary we hakyky wagtda ýazga alynýan wideony geçirmek üçin aragatnaşygy oturdyp bolar. Şeýle hem, batareýany çalt çalyşmak göz öňünde tutulan. B2 ýangyny söndürmekden başga-da, harabalygyň astynda galan pidalary gözlemek üçin hem ulanylyp bilner.
Kompaniýa robotyň birnäçe synagdan üstünlikli geçendigini habar berdi. Häzir ki wagtda Sindaoda B2-niň iki sany ýangyn söndüriji görnüşi giňişleýin synagdan geçýär.
