Mitsubishi 2026-njy ýylyň tomsunda täze elektrokrossower hödürlär

  • 09.05.2025 15:53
  • 3.3k+

Mitsubishi kompaniýasy 2026-njy ýylyň tomsunda Demirgazyk Amerikada elektromobil bazaryna gaýdyp geler. Täze model ABŞ-da we Kanadada elýeterli bolar. Bu 2017-nji ýylda i-MiEV modeliniň satuwy bes edileni bäri brendiň ilkinji elektromobilidir.

Mitsubishi Motors North America-nyň prezidenti Mark Çaffiniň aýtmagyna görä, elektrokrossower “içinden ýandyrylýan hereketlendirijileriň, gibrid we elektrik güýç enjamlarynyň arasynda deňagramlylygy saklamagy” we “müşderileriň zerurlyklaryna laýyk gelýän tehnologiýalary hödürlemegi” göz öňünde tutýan strategiýanyň bir bölegi bolar.
Model Renault-Nissan-Mitsubishi ylalaşygy boýunça hyzmatdaş bolan Nissan Motor kompaniýasynyň gatnaşmagynda dörediler. Täze awtomobil indiki nesil Nissan Leaf ulagyna esaslanar. Şol bir wagtyň özünde, model Mitsubishi-niň firma stiline eýe bolup, sebitde brendiň bäşinji krossoweri bolar. Modeliň tehniki aýratynlyklary barada häzirlikçe maglumat berilmeýär.
Mitsubishi-niň Demirgazyk Amerika üçin geljekki awtomobil hatarynyň tizerinden ugur alsaň, Leaf-den daşky tapawutlar az bolar. Ähtimal, kuzowyň öň we yz bölegi, nyşanlar we bezeg elementleri üýtgäp biler.
Elektrokrossower kompaniýanyň Momentum 2030 atly uzak möhletleýin strategiýasynyň bir bölegi bolar. Meýilnama görä, 2026-njy ýyldan 2030-njy ýyl aralygynda Mitsubishi her ýyl bir täze ýa-da düýpgöter üýtgedilen modeli çykarar. Ilkinji ädim Outlander-iň üýtgedilmegi bolar. Şeýle-de, täze krossowerleri çykarmak meýilleşdirilýär. 


düýn 10:35
886

Shell elektromobillere 10 minutda zarýad berjek tehnologiýany oýlap tapdy

Elektrik ulaglary üçin çalt zarýad beriş tehnologiýalary dürli ugurlar boýunça ösýär. Kuwwatly zarýad beriş stansiýalaryndan başga-da, batareýany dolandyrmak ulgamlary uly ähmiýete eýe. Shell kompaniýasy RML Group bilen bilelikde göwrümi 34 kWt bolan synag batareýasyny 10 minutda 10%-den 80%-e çenli zarýad bermäge mümkinçilik berýän EV-Plus sowadyjy suwuklygyny işläp taýýarlady...

düýn 10:11
1k+

Gibridleriň we elektromobilleriň dünýädäki satuwy ýylyň başyndan bäri 25% ösdi

2025-nji ýylyň awgust aýynda dünýäde 1,7 million gibrid we elektrik ulagy satyldy. Bu geçen ýylyň awgust aýy bilen deňeşdirilende 15% köp. Ýylyň başyndan bäri satuw 25% ýokarlandy, ýöne esasy ösüş iň uly bazarlaryň daşyndaky sebitlerde bolup geçdi diýip,  Rho Motion seljeriş kompaniýasynyň maglumatlaryna salgylanýan Electrek neşiri ýazýar...

17.09.2025 09:35
4.1k+

Tesla kompaniýasy Cybertruck-yň iň elýeterli görnüşiniň önümçiligini togtatdy

Tesla satuwa çykarylandan bary-ýogy birnäçe aýdan soň Cybertruck-yň iň elýeterli görnüşiniň önümçiligini bes etdi. Elektrik pikap täjirçilik taýdan şowsuz boldy. Ozal kompaniýa bir milliondan gowrak sargyt barada habar beripdi...

15.09.2025 11:52
3.7k+

Toyota bZ7-ni görkezdi: Huawei-iň , Xiaomi-niň we Momenta-nyň tehnologiýalaryny alan, Camry-den uzyn sedan

Toyota-GAC bileleşigi ýazda ilkinji gezek Şanhaý awtoulag sergisinde yglan edilen bZ7 elektrik sedanynyň resmi suratlaryny ýaýratdy. Şol bir wagtyň özünde modeliň ilkinji tehniki häsiýetnamasy yglan edildi. Satuwlar 2025-nji ýylyň ahyryna çenli başlamaly...