ABŞ-daky täze kanun taslamasy Apple-a daşarky programma dükanlaryna rugsat bermäge mejbur edýär

  • 09.05.2025 12:33
  • 2.5k+

ABŞ-da iri sanly platformalaryň, şol sanda Apple bilen Google-yň iş düzgünlerini üýtgedip biljek täze kanun taslamasy hödürlenildi. Bu taslama görä, uly programma dükanlarynyň operatorlary ulanyjylara daşarky programma dükanlaryny enjamlaryna gurnamaga we olary esasy dükana öwürmäge rugsat bermeli bolar diýip, «The Verge» habar berýär.

Kanunyň taslamasynda gönümel Apple kompaniýasynyň ady agzalanok, ýöne ol ABŞ-da 100 milliondan gowrak ulanyjysy bolan programma dükanlaryny dolandyrýan kompaniýalara gönükdirilýär. Ýagny bu ýagdaý hem App Store-a, hem-de Google Play-e degişli. Taslama görä, işläp düzüjilere öz töleg ulgamlaryny ulanmaga hukuk berilmeli, şeýle-de ulanyjylara enjamda öňünden gurnalan programmalary pozmaga ýa-da gizlemäge mümkinçilik döredilmeli.
Şeýle hem kompaniýalar işläp düzüjilere ähli interfeýs, funksiýa we iş gurallaryna deň derejede, goşmaça tölegsiz elýeterlilik üpjün etmeli. Düzgün bozulmalar üçin, ABŞ-nyň Federal söwda komissiýasy tarapyndan jerime salnar, şeýle-de her bir düzgün bozulma üçin, 1 million dollara çenli raýat sanksiýasy göz öňünde tutulýar.
Belläp geçsek, şeýle kanunlar eýýämden Ýewropa Bileleşiginde güýje girdi. Apple ol ýerde daşarky programma dükanlarynyň gurnalmagyna rugsat bermäge mejbur boldy, şeýle-de işläp düzüjilere daşarky töleg usullaryna baglanyşyk goşmaga mümkinçilik berdi. Google hem Android enjamlary ilkinji gezek açylanda, esasy brauzeri saýlamak üçin ýörite ekran girizdi.
Bu başlangyç ABŞ-nyň Wekiller palatasynyň respublikan agzasy Ket Kammak tarapyndan öňe sürüldi. Onuň sözlerine görä, uly programma dükanlary ulanyjylaryň maglumatlaryna gözegçilik edýär we olary diňe öz töleg ulgamlaryny ulanmaga mejbur edýär. Bu ýagdaý bahalaryň ýokarlanmagyna, saýlawyň çäklendirilmegine, bäsdeşligiň basylyp ýatyrylmagyna we netijede «innowasiýalaryň saklanmagyna» sebäp bolýar.


13.05.2025 19:23
9.4k+

ABŞ bilen Hytaý gümrük paçlaryny 90 gün möhlet bilen peseltmek boýunça özara ylalaşdylar

ABŞ bilen Hytaý gümrük paçlaryny 90 günlük möhlet bilen peseltmek boýunça özara ylalaşdylar. «CNN» neşiriniň habar bermegine görä, 14-nji maýdan başlap, Waşington nyrhlary 145%-den 30%-e çenli, Pekin bolsa 125%-den 10%-e çenli peselder...

13.05.2025 14:14
2.9k+

Google maglumatlaryň gizlinligini bozandygy üçin Tehasa 1,375 mlrd dollar tölär

Google kompaniýasy Tehas ştatynyň (ABŞ) ýaşaýjylarynyň şahsy maglumatlarynyň gizlinligini bozandygy baradaky aýyplamalary çözmek üçin, ştata 1,375 mlrd dollar tölemäge razy boldy. Bu barada Tehasyň baş prokurory Ken Pakston habar berdi...

09.05.2025 12:27
6.8k+

Gümrük paçlarynyň ýokarlanmagyndan öň ABŞ-nyň söwda defisiti rekord $140,5 mlrd dollara ýetdi

ABŞ-nyň söwda balansynyň defisiti mart aýynda fewral bilen deňeşdirilende 14% ýokarlanyp, rekord dereje bolan 140,5 milliard dollara ýetdi. Bu maglumatlary Ykdysady seljeriş býurosy mälim etdi. 2024-nji ýylyň mart aýy bilen deňeşdirilende, bu defisit iki esse diýen ýaly artdy – 92,6%...

09.05.2025 09:56
9.4k+

ABŞ-da 8-nji maý resmi taýdan Ikinji jahan urşunda gazanylan Ýeňiş güni diýip tassyklandy

ABŞ-nyň Prezidenti Donald Tramp 8-nji maýy Ikinji jahan urşunda gazanylan Ýeňiş güni diýip yglan etdi. Resminama Ak tamyň web sahypasynda çap edildi. Jarnamada şol gün amerikanyň halkynyň gurban bolanlaryň hemmesini hatyralap sarpalaýandygy hem-de Amerikanyň Birleşen Ştatlarynyň we dünýäniň howpsuzlygyny, azatlygyny we abadançylygyny goramak borjuna wepalylygyny tassyklaýandygy aýdylýar...