Ford akkumulýatoryň ot almak howpy sebäpli, F-150 Lightning pikaplaryny yzyna çagyrýar

  • 08.05.2025 16:11
  • 2.9k+

Ford kompaniýasy 2022-nji ýylyň noýabryndan 2023-nji ýylyň martyna çenli aralykda öndürilen elektrikli «F-150 Lightning» pikaplaryny akkumulýatoryň ot almak howpy sebäpli yzyna çagyrýandygyny yglan etdi. Mesele akkumulýator blogyndaky şinalaryň üstünde ýerleşýän boltlaryň gowşak berkidilmegi bilen baglanyşykly bolup, bu ýagdaý elektrik dugasynyň döremegine we ýangyna sebäp bolup biler. Bu barada «autoevolution» habar berýär.

Ford kompaniýasynyň berýän maglumatlaryna görä, bu näsazlyk akkumulýator modullarynyň ýygnalýan zawodynyň kämilleşdiriş tapgyrynda ýüze çykypdyr. Eger bu mesele ýüze çyksa, awtoulagyň panelinde duýduryş nyşany peýda bolýar, soň bolsa ulag çekiş ukybyny ýitirýär, bu bolsa ýol-ulag hadysasynyň howpuny artdyrýar.
Bu yzyna çagyryş çäresi diňe 2023-nji ýylyň modeli bolan we Günorta Koreýanyň SK On kompaniýasy tarapyndan öndürilen akkumulýatorly «F-150 Lightning» pikaplaryna degişlidir. Ulaglaryň eýelerine 2025-nji ýylyň 19-23-nji maýy aralygynda hat arkaly habar berler. Dilerlere şol boltlaryň berkidilişini barlamak we zerur bolsa, olary gysmak ýa-da çalşyrmak tabşyryldy.
«F-150 Lightning» modeli 98 we 131 kWt·sag sygymly akkumulýatorlar bilen hödürlenýär, bu bolsa gir gezeklik zarýad bilen 515 kilometre çenli ýol geçmäge mümkinçilik berýär. Modeliň başlangyç bahasy Pro görnüşi üçin – 47 müň 780 dollar, iň ýokary görnüşi bolan Platinum bolsa – 84 müň 995 dollar. Bahasynyň ýokarydygyna garamazdan, «F-150 Lightning» elektropikaplary öz segmentinde «Tesla Cybertruck» we «Rivian R1T» bilen bäsleşip bilýän az sanly modelleriň biri bolmagynda galýar.


25.11.2025 16:46
4.7k+

Dokuz model Demirgazyk Amerikada “Ýylyň awtomobili” bäsleşiginiň finalyna çykdy

Los-Anjelesdäki awtosalonda “Demirgazyk Amerikada ýylyň awtomobili – 2026” – NACTOY baýragynyň finalçylary yglan edildi. Bäsleşigiň düzgünleri boýunça, üç kategoriýanyň – ýeňil awtomobiller, pikaplar we esasan, krossowerleri öz içine alýan utilitar ulag serişdeleri kategoriýalarynyň her birinde üç finalçy yglan edildi...

23.11.2025 21:03
2.6k+

Ford 27 ýyldan soň meşhur modelini öndürmegi bes edýär

Ford kompaniýasy Focus modelini öndürmegi bes etdi. Hetçbegiň dördünji nesliniň ömür kerweni tamamlandy: iň soňky awtoulag Germaniýanyň Zarlui şäherindäki zawodynda önümçilik konweýerinden düşdi. Focus-yň ST sport wersiýasyny ýygnamaklyk hem güýzde şol ýerde tamamlanypdy...

20.11.2025 11:57
11k+

Bostonyň howa menzili awtoduralgada ýatdan çykarylan ulaglary satýar

Bostonyň (ABŞ) "Logan" howa menzili eýeleri tarapyndan duralgalarda taşlanan 71 sany awtoulagy auksiona goýdy. Ulaglaryň nähili ýagdaýdadygy öňünden belli däl, resminamalary we açarlary ýok, akkumulýatorlary çöken...

20.11.2025 11:00
4k+

ABŞ-da Toyota Tacoma-nyň satuwy 61% ýokarlanyp, onýyllygyň rekordyny goýmaga golaýlaýar

Toyota Tacoma, bäsdeşlerinden ep-esli arany açmak bilen, ABŞ-da iň geçginli orta göwrümli awtoulag boldy. 2025-nji ýylyň birinji üç çärýeginde 204 464 sany ulag satyldy, bu 2024-nji ýylyň degişli döwri bilen deňeşdirilende 61,2 % köp diýmekdir diýip, Motor1 ýazýar...